బాలీవుడ్ నటి ఐశ్వర్యారాయ్ ప్రస్తుతం 'పొన్నియన్ సెల్వన్' చిత్రంలో నటిస్తోంది. ఇటీవలే ఈ సినిమా షూటింగ్ మధ్యప్రదేశ్లో జరిగింది. తాజాగా ఈ మూవీ చిత్రీకరణ ముగించుకుని ముంబయి చేరుకుంది. ఈ సమయంలోనే ఎయిర్పోర్ట్ దగ్గర ఆమె ఫొటోలు, వీడియోలు కొన్ని బయటకు వచ్చాయి. ఆమెను చూసిన కొందరు ఐష్ మళ్లీ ప్రెగ్నెన్సీతో ఉందంటూ పోస్టులు, కామెంట్లు చేయడం వల్ల వైరల్గా మారింది. అయితే ఈ విషయంలో ఐశ్వర్యతో పాటు ఆమె భర్త అభిషేక్ బచ్చన్ నుంచి ఎటువంటి క్లారిటీ లేదు.
'పొన్నియన్ సెల్వన్' చిత్రంలో ఐశ్వర్య విలన్ పాత్రలో నటించబోతున్నట్లు తెలుస్తోంది. ఇందులో ఆమె పాత్రకు సంబంధించిన కొన్ని ఫొటోలూ, వీడియోలూ నెట్టింట వైరల్గా మారాయి. ఈ చిత్రానికి మణిరత్నం దర్శకత్వం వహిస్తున్నారు. ఆయన డైరెక్షన్లో తెరకెక్కి 1997లో విడుదలైన 'ఇరువర్' సినిమాతోనే ఐష్ తన సినీ ప్రస్థానాన్ని మొదలుపెట్టింది. ఆ తర్వాత 'గురు', 'రావణ్' చిత్రాలతో ఈ కాంబో ప్రేక్షకుల్ని పలకరించింది.
- " class="align-text-top noRightClick twitterSection" data="
">
'పొన్నియన్ సెల్వన్' రెండు భాగాలుగా తెరకెక్కుతోంది. మొదటి భాగం వచ్చే ఏడాది విడుదల కానుంది. ఈ చిత్రంలో ఐశ్వర్యతో పాటు విక్రమ్, కార్తి, త్రిష, ప్రకాశ్ రాజ్, జయరామ్, జయం రవి తదితరులు నటిస్తున్నారు.
