'క్షణం', 'గూఢచారి', 'ఎవరు'... ఇలా వరుస థ్రిల్లర్ సినిమాలతో హ్యాట్రిక్‌ హిట్లు కొట్టాడు అడివి శేష్. సహాయ నటుడిగా కెరీర్‌ను మొదలుపెట్టి విలన్‌గా మారి ఆ తర్వాత కథానాయకుడిగా చిత్రసీమలో ఓ ప్రత్యేక గుర్తింపు దక్కించుకున్నాడు. హైదరాబాద్లో శుక్రవారం జరిగిన 'ఎవరు' సక్సెస్ మీట్లో మాట్లాడిన శేష్... తను ఈ స్థాయికి చేరుకోవడానికి ఎలాంటి కష్టాల్ని అనుభవించాడో చెబుతూ భావోద్వేగానికి లోనయ్యాడు.
"నేను కాలిఫోర్నియా నుంచి వచ్చినా కృష్ణానగర్ కష్టాలు అనుభవించా. నిజానికి అమెరికా వెళ్లే సమయానికి మా దగ్గర భోజనం చేసేందుకు డబ్బులు లేవు. మా చదువులకు నాన్న సంపాదన సరిపోయేది కాదు. మంచి దుస్తులు కొనుక్కోవాలన్నా కష్టంగా ఉండేది. నాన్న డాక్టర్‌ అయినా కొన్నాళ్ల పాటు ఓ రెస్టారెంట్లో మేనేజర్‌గా చేశారు. అమ్మ వెయిట్రెస్గా పనిచేసింది" -అడివి శేష్, నటుడు
వీటితో పాటు మరెన్నో ఆసక్తికర విషయాల్ని పంచుకున్నాడు శేష్. ఈ కార్యక్రమంలో హీరోయిన్ రెజీనా తనపై వస్తున్న ట్రోల్స్ గురించి మాట్లాడింది. 'ఎవరు' సినిమా ప్రస్తుతం థియేటర్లలో విజయవంతంగా ప్రదర్శితమవుతోంది. శేష్, నవీన్ చంద్ర, రెజీనా తమ నటనతో అలరిస్తున్నారు. దర్శకుడు రాంజీకి ఇది తొలి చిత్రమైనా తన ప్రతిభతో ఆకట్టుకున్నాడు.
ఇది చదవండి: 'నన్ను ట్రోల్ చేయండి.. నాపై మీమ్స్ వేయండి'
