డార్లింగ్ ప్రభాస్ 'ఆదిపురుష్' మొత్తం షూటింగ్ పూర్తయింది. అయితే మోషన్ క్యాప్చర్ టెక్నాలజీతో తెరకెక్కిస్తున్న ఈ సినిమా పోస్ట్ ప్రొడక్షన్ మరో 10 నెలల పాటు జరగనుంది. వచ్చే ఏడాది ఆగస్టు 11న థియేటర్లలోకి రానుంది.
రామాయణం ఆధారంగా తీస్తున్న ఈ చిత్రంలో ప్రభాస్ రాముడిగా నటిస్తున్నారు. కృతిసనన్ సీత, సన్నీ సింగ్ లక్ష్మణుడిగా కనిపించనున్నారు. సైఫ్ అలీఖాన్.. ప్రతినాయకుడు రావణాసురుడిగా నటించారు. ఓం రౌత్ దర్శకత్వం వహించారు. టీ సిరీస్-రెట్రో ఫైల్స్ సంస్థలు సంయుక్తంగా నిర్మించాయి.
ప్రభాస్ నటించిన రొమాంటిక్ సినిమా 'రాధేశ్యామ్'.. వచ్చే సంక్రాంతి కానుకగా జనవరి 14న ప్రేక్షకుల ముందుకు రానుంది. మరోవైపు ప్రశాంత్ నీల్ దర్శకత్వంలో 'సలార్' చేస్తున్నారు. ఇది కూడా వచ్చే ఏడాదే విడుదల కానుంది.
ఇవీ చదవండి:
