ఎవరో పెట్టిన పోస్టు వల్ల చాలామంది నుంచి తనకు వరుసగా ఫోన్ కాల్స్ వస్తున్నాయని నటి షకీలా తెలిపారు. షకీలా కన్నుమూసిందంటూ కొన్నిరోజుల నుంచి నెట్టింట్లో వార్తలు చక్కర్లు కొడుతున్నాయి. అనారోగ్య సమస్యలతో ఆమె తుదిశ్వాస విడించిందని పలువురు నెటిజన్లు పోస్టులు చేస్తున్నారు. ఈ నేపథ్యంలో సదరు వార్తలపై నటి షకీలా తాజాగా స్పందించారు. తాను ఆరోగ్యంగానే ఉన్నట్లు తెలిపారు.
"నేను మృతిచెందానంటూ పలు సోషల్‌మీడియా ఖాతాల్లో వస్తోన్న పోస్టులు చూశా. అవన్నీ పుకార్లు మాత్రమే. నేను ఎంతో ఆరోగ్యంగా, సంతోషంగా ఉన్నా. ఎవరో ఇలాంటి పుకార్లు సృష్టించడం వల్ల నాకు వరుసపెట్టి ఫోన్ కాల్స్, మెసేజ్లు వస్తున్నాయి. నా క్షేమసమాచారాలు అడిగి తెలుసుకుంటున్న మీ అందరికీ కృతజ్ఞతలు" అని షకీలా పేర్కొన్నారు.
ఇదీ చదవండి:'పదేళ్లు ప్రేమించా.. కానీ అతడు చేసిన పని..'
