రెండు వారాల్లోనే.. ఆ నటి కుమారుడు, భర్త మృతి

తెలుగు సీనియర్ నటి కవితకు కొవిడ్ తీరని శోకం మిగిల్చింది. రెండు వారాల వ్యవధిలో ఆమె భర్త, కుమారుడి మరణానికి వైరస్​ కారణమైంది. దీంతో పలువురు సినీ ప్రముఖులు ఆమెకు ప్రగాఢ సానుభూతి తెలియజేస్తున్నారు.

కరోనా ప్రభావంతో మన సినీ పరిశ్రమ ఎన్నో ఇబ్బందులు ఎదుర్కొంటోంది. దానికితోడు పలువురు నటీనటులు, గాయకులు, ఇతరత్రా సాంకేతిక నిపుణులు కూడా ఈ వైరస్​తో పోరాడుతూ మరణిస్తుండటం.. అభిమానుల్ని బాధపెడుతోంది. అయితే నటి కవిత ఇంట్లోనూ కొవిడ్​ వల్ల తీవ్ర విషాదం నెలకొంది. ఆమె కుమారుడు, భర్త.. కేవలం రెండు వారాల వ్యవధిలోనే మృతి చెందారు.

భర్తతో కవిత

కవిత కుమారుడు సంజయ్.. కొన్నాళ్ల క్రితం కరోనా బారిన పడ్డారు. ఆ వైరస్​తో పోరాడుతూ జూన్ 16న తుదిశ్వాస విడిచారు. అప్పటికే కొవిడ్​కు గురైన ఆమె భర్త.. ఆస్పత్రిలో చికిత్స తీసుకున్నారు. కానీ ఆరోగ్యం విషమించడం వల్ల జూన్ 30న మరణించారు.

ఇవీ చదవండి: