క్రీడా నేపథ్యం ఉన్న బయోపిక్లు నటీనటుల క్రేజ్ను అమాంతంగా పెంచేస్తాయనడంలో ఎలాంటి సందేహం లేదు. సచిన్, ధోనీ, మిల్కా సింగ్ బయోపిక్‌లే ఇందుకు నిదర్శనం. ఈ సినిమాలు బాక్సాఫీస్ దగ్గర కాసుల వర్షం కురిపించాయి. ఈ క్రమంలోనే మరిన్ని స్పోర్ట్స్ బయోపిక్లు తెరపై రూపొంది, అభిమానులను ఎంతగానో అలరించాయి. ఈ సందర్భంగా బాలీవుడ్లో ఇప్పటివరకు ప్రముఖ క్రీడాకారుల జీవితం ఆధారంగా తీసిన చిత్రాల గురించే ఈ కథనం.
భాగ్ మిల్కా భాగ్- మిల్కా సింగ్
తన పరుగుతో ప్రపంచవ్యాప్తంగా గుర్తింపు తెచ్చుకున్న ప్రముఖ అథ్లెట్ మిల్కాసింగ్. భారత కీర్తి పతాకాన్ని విశ్వ వేదికపై ఎగురవేశారు. ఈయన జీవితాధారంగా 'భాగ్ మిల్కా భాగ్' రూపొందించారు. 2013లో విడుదలై సూపర్హిట్గా నిలిచింది. ఫర్హాన్ అక్తర్.. మిల్కా సింగ్గా కనిపించారు. ఇందులోని పాత్రకుగాను ఫిల్మ్ఫేర్ ఉత్తమ నటుడిగా అవార్డు కూడా అందుకున్నారు. ఈ చిత్రం కూడా పలు అవార్డులను అందుకుంది. రాకేష్ ఓంప్రకాశ్ దర్శకత్వం వహించారు.
దంగల్ - మహావీర్ సింగ్ ఫొగాట్
'దంగల్'.. బాలీవుడ్ సూపర్స్టార్ ఆమిర్ ఖాన్ ప్రధాన పాత్రలో నటించిన సినిమా. 2016లో విడుదలై ఘనవిజయం సాధించింది. ప్రముఖ కుస్తీ వీరుడు మహావీర్ సింగ్ ఫొగాట్, ఆయన కుమార్తెల జీవితాధారంగా ఈ చిత్రాన్ని రూపొందించారు. నితీష్ తివారీ దర్శకుడు.
ధోని - మహేంద్ర సింగ్ ధోనీ
'ధోని : ది అన్టోల్డ్ స్టోరీ'.. బాలీవుడ్ యంగ్ హీరో సుశాంత్ సింగ్ రాజ్పుత్ టైటిల్ రోల్ పోషించారు. టీమ్ఇండియా మాజీ సారథి మహేంద్ర సింగ్ ధోనీ బయోపిక్ ఈ చిత్రం. 2016లో విడుదలైన ఈ సినిమా.. విశేష ప్రేక్షకాదరణ పొందింది. నీరజ్ పాండే దర్శకత్వం వహించారు.
సచిన్ ఏ బిలియన్ డ్రీమ్స్
'సచిన్ ఏ బిలియన్ డ్రీమ్స్'.. దేశానికి ఎన్నో విజయాలను దిగ్గజం క్రికెటర్ సచిన్ తెందుల్కర్ జీవితం ఆధారంగా తీశారు. అయితే 2017లో డాక్యుమెంటరీగా దీనిని విడుదల చేశారు. మిశ్రమ స్పందన దక్కించుకుంది.
సూర్మ
2018లో వచ్చిన బాలీవుడ్ చిత్రం 'సూర్మ'. భారత హాకీ జట్టు మాజీ సారథి సందీప్ సింగ్ జీవితం ఆధారంగా తెరకెక్కించారు. నటుటు-సింగర్ దిల్జీత్ దోసాంజే, సందీప్ పాత్ర పోషించారు. అంగద్ బేడీ, తాప్సీ ఇతర సహాయ పాత్రల్లో కనిపించారు. షాద్ అలీ దర్శకత్వం వహించారు.
సైనా నెహ్వాల్
బ్యాడ్మింటన్ స్టార్ సైనా నెహ్వాల్ బయోపిక్లో బాలీవుడ్ నటి పరిణితి చోప్రా నటిస్తోంది. ఈ సినిమా ఇంకా షూటింగ్ దశలోనే ఉంది. వచ్చే ఏడాది ప్రేక్షకుల ముందుకు రానుంది.
ఇదీ చూడండి : 'సైనా..' కోసం పరిణీతి కఠోర సాధన
