తన మొండిపట్టుదల వల్లే చాలా చిత్రాల్లో అవకాశాలు కోల్పోయానని బాలీవుడ్ నటి మల్లికాషెరావత్ తెలిపింది. తన స్థానంలో కొంత మంది హీరోలు వారి గర్ల్ఫెండ్స్కు చాన్స్ ఇచ్చారని చెప్పింది. ప్రస్తుతం వాళ్లను చూస్తుంటే తెలివితక్కువవారిలా కనిపిస్తుంటారని అభిప్రాపయపడింది.
"నా మొండితనం వల్ల చాలా సినిమాల్లో అవకాశాలు కోల్పోయా. నేను ఎక్కువ మాట్లాడుతున్నానంటూ హీరోలు తమ చిత్రాలు తప్పించారని విన్నాను. నా స్థానంలో వారి అత్యంత సన్నిహితులకు అవకాశం కల్పించారు. ఇలా 20, 30 చిత్రాల్లో అవకాశం కోల్పోయుంటా. ఇందుకు నేనేమి బాధపడట్లేదు. వెనక్కి తిరిగి చూసుకుంటే వాల్లందరూ తెలివిలేని మూర్ఖుల్లా కనిపిస్తుంటారు" - మల్లికాషెరావత్, బాలీవుడ్ నటి
సామాజిక ఇబ్బందులు, మహిళల సమస్యల గురించి తాను మాట్లాడితుంటే వినడానికి ఎవరూ సిద్ధపడట్లేదని తెలిపింది.
"నేను మహిళా సమస్యలపై మాట్లాడితుంటే.. బాలీవుడ్లో కొంతమంది నేను దేశ భక్తురాలిని కాదనకుంటారు. ఇబ్బందుల వింటానికి సిద్ధపడట్లేదు. నాకు నా దేశమంటే ఎంతో ప్రేమ. మహిళల పట్ల ఉన్న ఆలోచన విధానాన్ని మార్చుకోవాలి" - మల్లికా షెరావత్, బాలీవుడ్ నటి
దాదాపు 15 ఏళ్ల నుంచి బాలీవుడ్ చిత్రసీమలో గుర్తింపు తెచ్చుకున్న మల్లికా త్వరలో డిజిటల్ ఫ్లాట్ఫామ్లో అడుగుపెట్టనుంది. 'బూ.. సబ్కీ ఫటేగీ' చిత్రంతో డిజిటల్ ప్రేక్షకుల ముందుకు రానుంది. ఫర్హాద్ సమ్జీ ఈ సినిమాకు దర్శకుడు.
ఇది చదవండి: 'విజయ నిర్మల.. ఏ-1 పని రాక్షసి'
