మాస్ మహారాజ్ రవితేజ హీరోగా, రమేశ్ వర్మ దర్శకత్వంలో తెరకెక్కుతోన్న చిత్రం 'ఖిలాడి'. యాక్షన్ నేపథ్యంలో రూపొందుతోన్న ఈ సినిమాలో ప్రతినాయకుడిగా యాక్షన్కింగ్ అర్జున్ను చిత్రబృందం ఎంపిక చేసిందని సమాచారం. ఇందులో పవర్ఫుల్ పాత్రలో అర్జున్ కనిపించనున్నారని ప్రచారం జరుగుతుంది. తమిళ, తెలుగు చిత్రాలతో మంచి గుర్తింపు తెచ్చుకున్న అర్జున్.. కొన్ని విలన్ పాత్రలతోనూ ప్రేక్షకులను మెప్పించారు. రవితేజ - అర్జున్ మధ్య భారీ యాక్షన్ సీక్వెన్స్ ఉండనున్న నేపథ్యంలో ఈ సినిమాపై ప్రేక్షకులలో అంచనాలు భారీగా పెరిగిపోయాయి.
ఈ చిత్రంలో రవితేజ సరసన మీనాక్షి చౌదరి, డింపుల్ హయాతీలు హీరోయిన్లుగా నటిస్తున్నారు. కోనేరు సత్యనారాయణ నిర్మాతగా వ్యవహరిస్తుండగా.. దేవీశ్రీప్రసాద్ సంగీతాన్ని అందిస్తున్నారు. 'వీర' చిత్రం తర్వాత రవితేజ-రమేశ్ వర్మ కాంబినేషన్లో తెరకెక్కుతోన్న చిత్రమిదే.
