బాలీవుడ్ కథానాయకుడు ఆమిర్ ఖాన్ చేసిన ఓ వర్కౌట్కు ఆయన కుమార్తె ఐరా ఖాన్ ఫిదా అయ్యింది. గతంలో 'ధూమ్ 3' సినిమా షూటింగ్ సమయంలో ఆమిర్ చేస్తున్న 'సస్పెండ్ ఆల్టర్నేటివ్ డంబెల్ ప్రెస్' వర్కౌట్ వీడియో సోషల్మీడియాలో ఇప్పుడు వైరల్గా మారింది. ఈ వీడియోపై ఐరా ఖాన్ స్పందిస్తూ.. "ఇదేమి ఎక్సర్సైజ్?" అని ఇన్స్టాగ్రామ్ స్టోరీస్లో పోస్ట్ చేసింది. ఈ వీడియోను ఇన్స్టాగ్రామ్లో పోస్ట్ చేసిన ట్రైనర్ స్పందించాడు.
- " class="align-text-top noRightClick twitterSection" data="
">
"ఈ ఎక్సర్సైజ్ ఛాతితో పాటు కోర్ కండరాలకు చాలా మంచిది. దీంతో పాటు ఛాతి పనితనంపై మంచి ప్రభావం చూపుతుంది. అంతేకాకుండా 'ధూమ్ 3' సినిమాలో ఆమిర్ పాత్ర చేసే విన్యాసాలకు ఈ కసరత్తు ప్రతిరోజూ చేయాల్సిఉంది. అయితే ఈ కసరత్తు వల్ల వీపు భాగంలో ముందుకు వంగినట్లు మార్పు కనిపిస్తుంది. వెన్నెముక ఇలా వంగడం వల్ల బహుశా చూడటానికి అందంగా కనిపించకపోవచ్చు. ఇది కచ్చితంగా మరింత నొప్పిని కలిగిస్తుంది" అని వీడియో పోస్ట్ చేసిన ట్రైనర్ వెల్లడించాడు.
ఆమిర్ ఖాన్.. తాను నటించే పాత్రల కోసం దేహధారుడ్యాన్ని మార్చుకునేందుకు వెనుకాడడు. 'ధూమ్ 3' చిత్రం తర్వాత కూడా 'దంగల్' సినిమా కోసం మరింత బరువు పెరిగి.. ఆ తర్వాత ఫిట్నెస్నూ సాధించాడు. ఆమిర్ ప్రస్తుతం 'లాల్సింగ్ చద్దా' సినిమాలో నటిస్తూ బిజీగా ఉన్నాడు.
ఇదీ చూడండి.. 'ఆ వయసులోనే లైంగిక వేధింపులకు గురయ్యా'
