Aadavallu Miku Joharlu News: మార్చి8 మహిళా దినోత్సవాన్ని పురస్కరించుకొని ప్రత్యేక ఆఫర్ ఇచ్చింది 'ఆడవాళ్లు మీకు జోహార్లు' చిత్ర యూనిట్. మహిళల కోసం ఉచితంగా ప్రత్యేక ప్రదర్శన ఏర్పాట్లు చేస్తున్నట్లు ఆ చిత్ర దర్శక, నిర్మాతలు ప్రకటించారు. తెలుగు రాష్ట్రాల్లోని పలు థియేటర్లలో ఉచిత ప్రదర్శనలు ఉంటాయని వెల్లడించారు.
శర్వానంద్, రష్మిక మందన జంటగా నటించిన ఈ చిత్రం మార్చి4న ప్రేక్షకుల ముందుకొచ్చింది. కిషోర్ తిరుమల ఈ సినిమాకు దర్శకత్వం వహించారు. విడుదలైన అన్ని కేంద్రాల్లోనూ ఈ చిత్రం విశేషంగా ప్రేక్షకుల ఆదరణ పొందుతోంది. ఈ సందర్భంగా దర్శక నిర్మాతలు ఆనందం వ్యక్తం చేశారు.
మాదాపూర్లోని తమ కార్యాలయంలో బాణాసంచా కాల్చి సంబురాలు చేశారు. మహిళలే ప్రాధాన్యంగా తీసిన తమ చిత్రానికి అన్ని చోట్ల మంచి ఆదరణ దక్కుతుండటం పట్ల హర్షం వ్యక్తం చేశారు.
ఇదీ చదవండి: నటి సంజనకు అసభ్యకర మెసేజ్లు.. కొరియోగ్రాఫర్ కుమారుడి అరెస్ట్
