హీరో కార్తికేయ కొత్త చిత్రం 90ఎంఎల్ లోని మొదటి పాట "ఇనిపించుకోరు ఇనిపించుకోరు" ఇటీవల విడుదలయి యువతను ఆకట్టుకుంటోంది. "ఇనిపించుకోరు ఇనిపించుకోరు అమ్మాయిలస్సలే ఇనిపించుకోరు" అంటూ సాగే ఈ పాట అమ్మాయిల ప్రవర్తనతో విసిగిపోయిన అబ్బాయిలందరి మాటలుగా రాహుల్ సిప్లిగంజ్ గాత్రంలో, చంద్రబోస్ సాహిత్యంలో, అనూప్ రూబెన్స్ సంగీతంలో అందరినీ ఆకట్టుకుంటోంది.
శేఖర్ రెడ్డి దర్శకత్వం వహిస్తున్న ఈ సినిమా టాకీ పార్ట్ పూర్తయ్యింది. తాజాగా ఈ సినిమాలోని రెండు పాటల చిత్రీకరణ కోసం అజర్ బైజాన్ రాజధాని బాకు వెళ్లనున్నామని తెలిపింది చిత్రబృందం.
ఆర్ ఎక్స్ 100, హిప్పీ, గుణ 369 చిత్రాల‌తో క‌థానాయ‌కునిగా త‌న‌కంటూ ఓ ప్ర‌త్యేక‌మైన ఇమేజ్‌ని సొంతం చేసుకున్న కార్తికేయ.. ఇటీవ‌లే `గ్యాంగ్ లీడ‌ర్‌`లో ప్ర‌తినాయ‌కునిగా కూడా న‌టించి మంచి మార్కులు సంపాదించుకున్నాడు. అదే ఊపులో ఇప్పుడు 90ఎంఎల్తో మోడరన్ 'దేవదాసు' లా మారి మరో కొత్త అవతారంలో మన ముందుకి రాబోతున్నాడు.
ఇవీ చూడండి.. పాడుతూ స్టేజిపై నుంచి కిందపడ్డ పాప్ సింగర్
