ఎల్లప్పుడూ వినియోగదారులకు కొత్త కొత్త అప్డేట్స్ ఇస్తూ వారిని ఆకర్షిస్తుంటుంది ప్రముఖ సోషల్ మీడియా యాప్ వాట్సాప్. తాజాగా మరోసారి ఓ సరికొత్త ఫీచర్తో(whatsapp new features) రాబోతుంది. దీని వల్ల వినియోగదారులు లాస్ట్ సీన్, అబౌట్, ప్రొఫైల్ పిక్చర్ను వారు కోరుకున్న కాంటాక్ట్లకు మాత్రమే అందుబాటులో ఉంచుకోవచ్చు.
ఎలా ఉండబోతుంది?
ప్రొఫైల్ పిక్చర్(who is checking my dp on whatsapp)ను కొందరికే అందుబాటులో ఉంచడం ప్రస్తుతం కుదరడం లేదు. మీ డీపీని పరిమిత మందికే పెట్టుకునే ఆప్షన్ లేదు. మీ డీపీ అందరికీ కనిపించకూడదు అంటే కేవలం మీ మొబైల్లో సేవ్ చేసుకున్న కాంటాక్ట్లు మాత్రమే చూసేలా ఆ డీపీని పెట్టుకునే వీలు ఉంది. ఒకవేళ ఓ వ్యక్తికి మీ ఫొటో కనిపించకూడదు అంటే అతడిని బ్లాక్ చేయడమే మార్గం. అయితే ఇప్పుడు ఈ కొత్త అప్డేట్తో మీ వాట్సాప్ కాంటాక్ట్ లిస్టులో మీరు కోరుకున్న కొందరికే డీపీ కనిపించేలా చేయొచ్చు. ఈ ఫీచర్ ఒక ప్రొఫైల్ పిక్చర్కే కాక లాస్ట్ సీన్(whatsapp last seen check), అబౌట్కు కూడా వర్తిస్తుంది. అంటే ఇకపై డీపీ, లాస్ట్ సీన్, అబౌట్లను మీరు ఎంచుకున్న వ్యక్తులకు మాత్రమే కనిపించేలా చేసుకునే వీలు రాబోతోంది.
అయితే మీరు ఏ కాంటాక్ట్ నుంచి అయితే మీ ఫొటో, లాస్ట్ సీన్, అబౌట్ విషయంలో ప్రైవసీ కోరుకుంటున్నారో.. వారికి సంబంధించిన డీపీ, లాస్ట్ సీన్, అబౌట్ కూడా మీకు కనిపించదు. ఈ విషయం ఇప్పటికే వాట్సాప్ వినియోదగారులకు తెలుసు. ప్రస్తుతం ఈ ఫీచర్ను పరిశీలిస్తున్నారు. త్వరలోనే ఇది అందుబాటులోకి రానుంది. ఈ కొత్త అప్డేట్తో వినియోగదారుల గోప్యత(whatsapp privacy) విషయంలో మరింత ముందడుగు వేసినట్లు అవుతుంది.
