Whatsapp Delete For EveryOne Option: ప్రపంచంలో ఎక్కువ మంది వాడే మెసేజింగ్ యాప్ వాట్సాప్. నిత్యం కోట్లాది మంది యూజర్లు ఈ ప్లాట్‌ఫామ్‌లోనే ఇతరులతో చాట్ చేస్తుంటారు. అవసరమైన ఫొటోలు, వీడియోలు, ఫైల్స్ను షేర్ చేసుకుంటారు. అయితే.. చాటింగ్ చేస్తున్న సమయంలో మీరు ఎప్పుడైనా ఓ మెసేజ్.. ఒకరికి పంపబోయి మరొకరికి పంపారా? పోనీ పంపాక రెండు గంటలు తర్వాత చూసుకున్నారా? అప్పుడు అబ్బా.. చూసుకోలేదే అని బాధపడక్కర్లేదు. ఎందుకంటే వాట్సాప్ త్వరలోనే కొత్త ఫీచర్ను తీసుకొస్తుంది. మెసేజ్ చేసి రెండు రోజులు అయినా డిలీట్ చేసుకునే అవకాశం కల్పిస్తుంది.
వాట్సాప్ చాట్లో 'డిలీట్ ఫర్ ఎవ్రీవన్' ఫీచర్ను 2017లో అందుబాటులోకి తీసుకొచ్చింది. మొదట.. ఆ ఫీచర్ను ఎనిమిది నిమిషాలకు మాత్రమే పరిమితం చేసింది. ఆ తర్వాత కొద్ది రోజులకు 1 గంట 8 నిమిషాల 16 సెకన్ల వరకు డిలీట్ చేసే అవకాశాన్నిచ్చింది. ఇప్పుడు ఈ ఫీచర్ను ఇంకాస్త సమయానికి పెంచుదామని వాట్సాప్ యోచిస్తోంది.
కొత్త ఫీచర్ వచ్చాక వాట్సాప్లో పంపిన మెసేజ్ను 56 గంటల తర్వాత డిలీట్ చేసుకోవచ్చు. అంటే రెండున్నర రోజులైనా డిలీట్ చేసేయొచ్చు. ఈ ఫీచర్ అందుబాటులోకి వస్తే చాలా ఉపయోగపడుతుంది. ప్రస్తుతం ఈ ఫీచర్ టెస్టింగ్ మోడ్లో ఉంది. మరికొద్దిరోజుల్లోనే అందుబాటులోకి రానుంది. దీంతో పాటు మరో ఫీచర్ను కూడా వాట్సాప్ తీసుకురానుంది. మీరు అడ్మిన్గా ఉన్న గ్రూప్లోని ఏ మెసేజ్నైనా డిలీట్ చేసే అవకాశాన్ని కల్పించనుంది.
ఇవీ చదవండి: ఇన్స్టా సరికొత్త ఫీచర్.. రీల్స్గా మారనున్న వీడియోలు!
