Telegram Features in Whatsapp: వినియోగదారులకు అనేక ఫీచర్లు అందిస్తున్న టెలిగ్రామ్తో అగ్రగామి మెసెంజర్ వాట్సాప్ను తరచూ పోలుస్తుంటారు. టెలిగ్రామ్లో ఉన్నన్ని ఫీచర్లు వాట్సాప్లో లేవు. అయినా సులువైన చాటింగ్తో పాటు యూజర్ ఫ్రెండ్లీగా ఉంటూ ప్రపంచంలో అత్యంత ఆదరణ కలిగిన మెసెంజర్గా దూసుకుపోతోంది. ఈ క్రమంలోనే మరో కొత్త ఫీచర్ను తన వినియోగదారులకు అందించేందుకు ప్రయత్నాలు ప్రారంభించింది వాట్సాప్. అదే 'పోల్' ఫీచర్. అయితే ఈ ఫీచర్ ఇప్పటికే టెలిగ్రామ్లో అందుబాటులో ఉంది.
ఏంటీ ఫీచర్..
ఈ పోల్ ఫీచర్ను వాట్సాప్ ఎండ్ టు ఎండ్ ఎన్క్రిప్షన్తో తీసుకురానుంది. ఇది కేవలం గ్రూప్ చాట్లోనే అందుబాటులో ఉండనుంది. గ్రూప్లోని సభ్యులు మాత్రమే ఈ పోల్స్ను చూసి, ఓటు వేసి, ఫలితాలను తెలుసుకోగలరు.
ప్రస్తుతం వాట్సాప్ గ్రూప్లో ఏదైనా నిర్ణయం తీసుకోవాలంటే.. ముందు దాని గురించి మెసేజ్ చేసి, ఎంత మంది ఓటేశారు, ఫలితం ఏంటనేది మ్యానువల్గా లెక్కించాల్సి ఉంది. నిర్ణయాలను కచ్చితంగా, వేగంగా తీసుకోవడానికి ఈ పోల్ ఫీచర్ ఉపయోగపడుతుంది.
ఎప్పుడు అందుబాటులోకి వస్తుంది?
ఇప్పటివరకు దీని గురించి కచ్చితమైన సమాచారం లేదు. అయితే పోల్ ఫీచర్కు సంబంధించిన పనులు మాత్రం వేగంగా జరుగుతున్నాయని సమాచారం. ముందుగా ఇది ఐఓఎస్ యూజర్లకు.. ఆ తర్వాతే డెస్క్టాప్, ఆండ్రాయిడ్ వినియోగదారులకు అందుబాటులోకి వచ్చే అవకాశం ఉంది.
ఇవీ చూడండి:
టెలిగ్రామ్కు క్యూ కట్టిన యూజర్లు
