మార్స్, బృహస్పతి మధ్య ప్రధాన ఉల్క బెల్ట్లో ఉన్న మరుగుజ్జు గ్రహం సెరెస్.. గతంలో నమ్మినట్లుగా అంతరిక్ష శిల కాదు. అమెరికా అంతరిక్ష పరిశోధన సంస్థ నాసా.. డాన్ అంతరిక్ష నౌక నుంచి వచ్చిన తాజా నివేదిక ప్రకారం నీటితో సమృద్ధిగా ఉన్నట్లు నిర్ధరణ అయింది. సెరెస్ ఉపరితలం కింద ఉప్పునీటి జలాశయం ఉన్నట్లు గుర్తించారు శాస్త్రవేత్తలు. అది 40 కిలోమీటర్ల లోతు, వందల మైళ్ల వెడల్పు ఉంటుందని అంచనా వేశారు.
ఈ పరిశోధన ఆగస్టు 10న నేచర్ ఆస్ట్రానమీ, నేచర్ జియోసైన్స్లో ప్రచురితమైంది.
"సెరెస్.. చంద్రుడి కంటే చాలా చిన్నది. డాన్ అంతరిక్ష నౌక 2015లో సెరెస్ సమీపంలోకి చేరుకుంది. ఈ మిషన్కు ముందే టెలిస్కోపులతో ప్రకాశవంతమైన ప్రాంతాలను శాస్త్రవేత్తలు గుర్తించారు. కానీ, వాటి స్వభావం తెలియలేదు. 2018, అక్టోబర్లో మిషన్ ముగింపు దశలో సెరెస్పై ప్రకాశవంతమైన ప్రాంతాల గుట్టు వీడింది. సోడియం కార్బొనేట్తో నిండిన నిక్షేపాలు ఉన్నట్లు శాస్త్రవేత్తలు గుర్తించారు."
-మార్క్ రాయ్మన్, మిషన్ డైరెక్టర్
ఈ పరిశోధన సెరెస్లోని ప్రకాశవంతమైన ప్రాంతాలు రెండు మిలియన్ల సంవత్సరాల కన్నా తక్కువ వయస్సు ఉన్నట్లు నిర్ధరించింది.
ఇదీ చూడండి: ఇంటి మిద్దెపై విమానం.. ఔత్సాహికుడి ఘనత
