Repair Mode Option Google : మొబైల్ యూజర్స్ తమ ఫోన్లను రిపేర్ కోసం ఇచ్చి తిరిగి దానిని పొందే సమయంలో చాలావరకు తమ వ్యక్తిగత డేటాను మొత్తం కోల్పోతారు. ఇందులో ఫోన్ నంబర్లతో పాటు ముఖ్యమైన మీడియా ఫైల్స్ కూడా ఉంటాయి. అయితే ఇలా పోగొట్టుకున్న పర్సనల్ డేటాను తిరిగి పొందే అవకాశాలు దాదాపు ఉండవు. ఇలాంటి సమయాల్లో చాలామంది బాధపడుతుంటారు. ఇలాంటి సమస్యకు చెక్ పెట్టేందుకే గూగుల్ సరికొత్త ఫీచర్ను తెచ్చేందుకు కృషి చేస్తోంది. దీని సాయంతో రిపేర్ సమయాల్లో మీ ఫోన్లోని వివరాలన్నింటినీ భద్రంగా లాక్ చేసుకొని ఉంచుకోవచ్చు. మీ అనుమతితో.. అంటే మీరు సృష్టించే పాస్వర్డ్ లేదా ఫేస్ లాక్ లేకుండా దానిని మొబైల్ సర్వీస్ సెంటర్ సహా ఎవరూ యాక్సెస్ చేయలేరు.
ఆండ్రాయిడ్ 14 ఓఎస్తో వచ్చే ఫోన్లలో..
ఇందుకోసం గూగుల్ త్వరలోనే రిపేర్ మోడ్ ( Repair Mode ) అనే ఆప్షన్ను తీసుకురానున్నట్లు తెలుస్తోంది. అంతేకాకుండా ఈ సమస్యకు రానున్న కొత్త ఆండ్రాయిడ్ వర్షెన్తో ముగింపు పలకాలని గూగుల్ యోచిస్తున్నట్లు సమాచారం. కాగా, ఈ నయా ఫీచర్ ( Repair Mode Feature ) లేదా అప్డేట్ను ఆండ్రాయిడ్ 14 ఓఎస్తో వచ్చే ఫోన్లలో చేర్చాలని సంస్థ భావిస్తున్నట్లు టెక్ నిపుణులు చెబుతున్నారు.
ఈ 'రిపేర్ మోడ్' రిపేర్ సమయాల్లో మీ ఫోన్ను సర్వీస్ సెంటర్కు ఇచ్చినట్లుగా గుర్తించి అందులో ఉన్న డేటాను హైడ్ చేసుకుంటుంది. దీనిని మీరు మాత్రమే యాక్సెస్ చేయగలరు. దీంతో రిపేర్ చేసే వ్యక్తికి మీ మొబైల్లో డేటా ఉందనే అనుమానం రాకుండా చేస్తుంది. దీంతో కొత్త అకౌంట్తో నూతన ఓఎస్ లేదా న్యూ వెర్షన్ను మీ డివైజ్లో ఇన్స్టాల్ చేసేందుకు వీలు కలుగుతుంది. అయితే సాధారణంగా ఫోన్ రిపేర్కు ఇచ్చినప్పుడు సర్వీస్ సెంటర్లు మీ పర్సనల్ డేటాను మొత్తం తొలగించాలని కోరుతాయి. ఇక రానున్న ఈ కొత్త అప్డేట్తో డేటా లాస్ అనే సమస్యలేమి ఉండవు.
ఇతర తయారీదారులు కూడా..
ఈ నయా మోడ్ ఫీచర్ను కేవలం గూగుల్ పిక్సెల్ ఫోన్లకు మాత్రమే పరిమితం చేయకుండా Android 14 AOSPని ఉపయోగించి వేర్వేరు మొబైల్ మ్యానుఫ్యాక్చర్లు కూడా దీనిని ఇన్బిల్ట్ ఫీచర్గా తమ ఉత్పత్తుల్లో వాడుకునే వెసులుబాటును కూడా కల్పించనుంది గూగుల్. లేదా ఇదే పద్ధతిలో ఉండే తమ సొంత టూల్స్ను కూడా ఇన్స్టాల్ చేసుకునే అవకాశం ఉంటుంది. అయితే ఈ ఫీచర్ను గూగుల్ పిక్సెల్స్ ఫోన్ల ద్వారా వినియోగదారులకు తొలుత అందుబాటులోకి తేనున్నారు. క్రమంగా Android 14 QPR1 బీటా బిల్డ్ వెర్షన్ రూపంలో ఈ ఏడాది డిసెంబరు నాటికి ఆండ్రాయిడ్ డివైజ్ యూజర్స్ కూడా ఈ ఫీచర్ను ఆస్వాదించే అవకాశం ఉంది.
రిపేర్ మోడ్ కోసం ప్రత్యేక యాప్..
మొబైల్ రిపేర్ సమయంలో యూజర్స్ పోగొట్టుకునే పర్సనల్ డేటాను తిరిగి రిట్రీవ్ చేసే విధానాన్ని మరింత సులభతరం చేసేందుకే గూగుల్ తన ప్రయత్నాలు చేస్తున్నట్లు టెక్ ఎక్స్పర్ట్స్ అభిప్రాయపడుతున్నారు. అంతేకాకుండా ఈ రిపేర్ మోడ్ బీటా బిల్డ్ వెర్షన్లోకి రావడానికి డిసెంబర్ కల్లా ఎందుకు సమయం పట్టనుందనే కారణాలను వివరిస్తూ.. ఈ ఫీచర్ను ఉపయోగించేందుకు అనుసరించాల్సిన స్టెప్స్ను తెలియజేస్తూ ఉన్న యాప్ను కూడా గూగుల్ త్వరలోనే లాంఛ్ చేయనుంది.
మొత్తంగా ఆండ్రాయిడ్ 14 వెర్షన్తో వచ్చే డివైజుల్లో ఈ Repair Modeను ఎనేబుల్ చేయడం ద్వారా మొబైల్ యూజర్స్ ఇక నుంచి తమ ఫోన్లను సర్వీస్ సెంటర్లకు డేటా పోతుందనే భయం లేకుండా నిశ్చింతగా ఇచ్చుకోవచ్చు.
గూగుల్ క్లాక్లో మరికొన్ని కొత్త ఫీచర్లు..
గూగుల్ క్లాక్కు సంబంధించి కూడా కంపెనీ మరికొన్ని కొత్త ఫీచర్లను అందుబాటులోకి తేనుంది. త్వరలో రానున్న ఈ కొత్త అప్డేట్లు పనితీరు విషయానికి వస్తే.. మీరు కొత్తగా అలారాన్ని సెటప్ చేసేటప్పుడు క్లాక్ యాప్ 'వెదర్ ఫోర్కాస్ట్' అనే కొత్త ఆప్షన్ను చూపించనుంది. ఇది అలారం ఆఫ్ చేసినప్పుడు మీరు ఉండే ప్రదేశంలోని వాతావరణ సమాచారాన్ని మీకు తెలియజేస్తుంది.
అయితే ప్రస్తుతానికి ఈ 'వెదర్ ఫోర్కాస్ట్' ఫీచర్ను పిక్సెల్ డివైజ్ యూజర్స్లో ప్రీ-ఇన్స్టాల్డ్గా ఉన్న పిక్సెల్ వెదర్ యాప్లో మాత్రమే గమనించవచ్చు. అంటే Android 14 QPR1 బీటా ద్వారా నడిచే Pixel 8 లేదా Pixel 8 ప్రో ఫోన్లలో మాత్రమే అందుబాటులో ఉంది. క్రమంగా దీనిని కూడా డిసెంబరు నాటికి అన్ని మొబైల్ యూజర్స్కు అందుబాటులోకి తేనున్నారు.
అలారం సింక్రనైజ్ ఆప్షన్..
త్వరలో రానున్న ఈ కొత్త ఫీచర్(Alarm Sync Otion) సాయంతో మీ ఫోన్, పిక్సెల్ వాచ్ల మధ్య కూడా అలారాలను సింక్రనైజ్ చేసుకోవచ్చు. WearOS 3లోని పిక్సెల్ వాచ్, WearOS 4లోని పిక్సెల్ వాచ్ 2 రెండింటిలో ఈ ఫీచర్ పనిచేస్తుందని టెక్ నిపుణుడు మిషాల్ రెహ్మాన్ చెప్పారు.
ఆండ్రాయిడ్, ఐఓఎస్ డివైజ్ యూజర్స్ కోసం గూగుల్ ప్రవేశపెట్టనున్న మరికొన్ని కీలక మార్పులు ఇవే..
- మొబైల్ Chromeలో URL కరెక్షన్స్ సజెషన్స్ ( Corrections Suggestions Feature ) ఫీచర్ను కూడా గూగుల్ యాడ్ చేస్తుంది.
- ఈ ఫీచర్ క్రోమ్లో యూజర్ ఎంటర్ చేసే పదాల్లో ఏమైనా అక్షరదోషాలు ఉంటే వాటిని ఆటోమెటిగ్గా గుర్తించి సరి చేస్తుంది.
- ఈ ఫీచర్ ఇప్పటికే ఈ సంవత్సరం ప్రారంభం నుంచి వెబ్ యూజర్స్కు అందుబాటులో రాగా.. తాజాగా దీనిని మొబైల్ వినియోగదారులకు కూడా అందించనున్నట్లు గూగుల్ మంగళవారం తెలిపింది.
- మొత్తంగా ఈ ఫీచర్ యూజర్ సెర్చ్ బాక్స్లో టైప్ చేసే వాటిల్లో అక్షరదోషాలను గుర్తించి సవరించడంలో సహాయపడుతుంది. కాగా, దీనిని త్వరలోనే అడ్రస్ బార్లో యాడ్ చేయనున్నారు.
- మీరు టైప్ చేసే తప్పు పదాల కారణంగా కొన్ని సార్లు మీకు ఫేక్ వెబ్సైట్లు దర్శనమిస్తుంటాయి. వాటి జోలికి కూడా పోకుండా ఈ ఫీచర్ నియంత్రిస్తుంది.
- ఇవే కాకుండా గూగుల్ మ్యాప్స్లో Screen Reader Support For Lens In Maps అనే కొత్త ఫీచర్ను కూడా గూగుల్ త్వరలో ప్రవేశపెట్టనుంది. లైవ్ వ్యూ సెర్చ్ అని పిలిచే మ్యాప్స్‌లోని లెన్స్.. ఫోన్ స్క్రీన్ రీడర్‌ను ఉపయోగించి మీ చుట్టూ ఉన్న ఆసక్తికర అంశాలను మరింత క్షుణ్ణంగా చదవగలుగుతుంది. దృష్టిలోపం ఉన్నవారికి, నిరక్షరాస్యులకు ఈ ఫీచర్ ఎంతగానో ఉపయోగపడనుందని కంపెనీ తెలిపింది. కాగా, ఈ ఫీచర్ ఈ వారంలో iOS యూజర్స్కు ఏడాది చివర్లో ఆండ్రాయిడ్ వినియోగదారులకు అందుబాటులోకి రానుంది.
- ట్రాన్సిట్ నావిగేషన్లో తేనున్న మరిన్ని ఫీచర్లు మీరు ప్లాన్ చేసుకునే ట్రిప్స్కు ఎంతో ఉపయోగపడతాయి.
- అదనంగా Google తన పిక్సెల్ ఫోన్‌లు, ఇతర ఉత్పత్తులకు కొత్త యాక్సెసిబిలిటీ ఫీచర్లను కూడా జోడిస్తోంది. Pixel 5, నూతన వినియోగదారులు తమ కెమెరాలోని మ్యాగ్నిఫైయర్ యాప్లో పలు మార్పులు చేస్తోంది. చిన్న వస్తువులను చూడటంలో ఇబ్బంది ఉన్నవారికి ఇది ఎంతగానో ఉపయోగపడుతుంది.
- మరో కొత్త ఫీచర్ గైడెడ్ ఫ్రేమ్(Guided Frame Feature). ఇది దృష్టిలోపం ఉన్న వినియోగదారులు మెరుగైన సెల్ఫీలు తీసుకోవడానికి సహాయపడుతుంది. ఈ గైడెడ్ ఫ్రేమ్ ప్రస్తుతం పిక్సెల్ 8, పిక్సెల్ 8 ప్రోలో మాత్రమే అందుబాటులో ఉంది. ఈ ఏడాది చివర్లో పిక్సెల్ 6 సహా ఇతర డివైజుల్లోకి రానుంది.
- చివరగా అసిస్టెంట్ రొటీన్స్ ఫీచర్(Assistant Routines Feature)ను అందుబాటులోకి తీసుకువస్తోంది. ఇది వినియోగదారులు జాబ్ నుంచి ఇంటికి వచ్చినప్పుడు లైట్లను ఆన్ చేయడం, సంగీతాన్ని ప్లే చేయడం లాంటి స్మార్ట్ హోమ్ ఆటోమేషన్‌లను సెటప్ చేయడానికి వీలు కల్పిస్తుంది. ఈ ఫీచర్ను యాక్సెసిబిలిటీ ఫంక్షనాలిటీ సాయంతో ఆస్వాదించవచ్చు.
Top 10 WhatsApp Features : వాట్సాప్ లాంఛ్ చేసిన టాప్ 10 ఫీచర్స్ ఇవే.. మీరు వాడుతున్నారా?
X New Subscription Fee : ట్విట్టర్ యూజర్లకు షాక్.. ఏం చేయాలన్నా డబ్బులు కట్టాల్సిందే.. ఎంతంటే?
