ఒప్పో రెనో 5ఏను జపాన్లో లాంచ్ చేసింది సంస్థ. దీనికి.. ఐపీ68 అనుమతులు లభించినట్లు తెలిపింది ఒప్పో. అల్ట్రా నైట్ వీడియో మోడ్తో పాటు.. నియాన్ పోర్ట్రెయిట్ వంటి కృత్రిమ మేధ ఫీచర్లు దీనిసొంతం. మరిన్ని ప్రత్యేకతలు మీకోసం..
ఒప్పో రెనో 5ఏ ఫీచర్స్..
- సెల్ఫీలు, వీడియో చాట్‌ల కోసం.. ముందు భాగంలో 16 మెగాపిక్సెల్ కెమెరా సెన్సార్‌ను 2.0 లెన్స్‌తో అందిస్తుంది రెనో 5ఏ.
- 128జీబీ ఇన్బిల్ట్ మెమోరీ కార్డ్తో పాటు.. వన్(1)టీబీ మైక్రో ఎస్డీ కార్డ్ సపోర్ట్ని అందిస్తుంది. ర్యామ్ 6జీబీ.
- ఇక నెట్వర్క్ విషయానికి వస్తే.. 5జీ, 4జీ ఎల్‌టీఈ, వై-ఫై 802.11ఏసీ, బ్లూటూత్ వీ5.1 వరకు సపోర్ట్ చేస్తుంది.
- సీ-టైప్ యూఎస్‌బీ ఛార్జర్.. 3.5 ఎంఎం హెడ్‌ఫోన్ జాక్ ఉన్నాయి.
- 4,000 ఎంఏహెచ్ బ్యాటరీతో.. 18 వాట్ల వరకు ఫాస్ట్ ఛార్జింగ్ని అందిస్తుంది.
- క్వాల్కామ్ స్నాప్‌డ్రాగన్ 765జీ
- ఆండ్రాయిడ్ 11 ఓఎస్
- 6.5-అంగుళాల ఫుల్ హెచ్‌డీ డిస్ప్లే
ఏకకాలంలో ముందు, వెనుక కెమెరాల ద్వారా వీడియో రికార్డ్ ఆప్షన్ దీని ప్రత్యేకత. ఐస్ బ్లూ, సిల్వర్ బ్లాక్ రంగుల్లో లభించనున్న ఈ ఫోన్ బరువు కేవలం 182 గ్రాములు.
భారత్లో ఎప్పుడో..?
వచ్చే జూన్ నుంచి అందుబాటులోకి రానున్న ఈ ఒప్పో రెనో 5ఏ ధరను సంస్థ వెల్లడించలేదు. అంతేగాక.. భారత్ సహా ఇతర మార్కెట్లలో రెనో 5ఏ ధర, లభ్యత గురించి వివరాలు వెల్లడించలేదు. రెనో 5ఏను గత ఏడాది విడుదలైన ఒప్పో 3ఏకు అప్డేటెడ్ వెర్షన్గా భావించవచ్చు. ప్రస్తుతం 3ఏ ధర రూ.26,600 గా ఉంది.
ఇవీ చదవండి: బడ్జెట్ ధరలో పోకో 5జీ ఫోన్- ఫీచర్లు ఇవే..
