Motorola Flexible Phone : ఫుల్​ ఫోల్డబుల్​ ఫోన్​.. చేతికి వాచ్​లా ఈజీగా!.. కాన్సెప్ట్​ అదిరింది కదా!

Motorola Flexible Phone : మీరెప్పుడైనా ఫోల్డబుల్​ ఫోన్​ చూశారా? లేదంటే వాడారా?.. అదే ఫోన్​ మన చేతికి వాచ్​లా చుట్టుకుంటే ఎలా ఉంటుందో ఊహించారా? క్రేజీగా ఉంది కదూ.. సరిగ్గా ఇదే కాన్సెప్ట్​ను ప్రముఖ మొబైల్ తయారీ సంస్థ మోటోరోలా ప్రవేశపెట్టింది. అందుకు సంబంధించిన వీడియోను పోస్ట్​ చేసింది.

Motorola Flexible Phone : ప్రస్తుతం మార్కెట్​లో ఫోల్డబుల్ ఫోన్లకు క్రమక్రమంగా డిమాండ్ పెరుగుతోంది. వినియోగదారులు వీటిని కొనుగోలు చేసేందుకు మొగ్గుచూపుతున్నారు. ఈ క్రమంలో అన్ని బ్రాండెడ్ మొబైల్​ కంపెనీలు ఫోల్డబుల్ స్మార్ట్ ఫోన్లను లాంఛ్​ చేస్తున్నాయి. ఈ నేపథ్యంలో ప్రముఖ మొబైల్​ తయారీ సంస్థ మోటోరోలా.. సరికొత్త కాన్సెప్ట్​తో ముందుకొచ్చింది. ఫుల్​ ఫ్లెక్సిబుల్​ ఫోన్​ కాన్సెప్ట్​ను ప్రవేశపెట్టింది. అందులో ఫోన్​ చేతికి వాచ్​లా చుట్టుకున్నట్లు చూపించింది.

Motorola Flexible Smart Phone Concept : గత వారం జరిగిన లెనోవా టెక్‌ వరల్డ్‌లో మోటోరోలా.. ఫుల్​ ఫ్లెక్సిబుల్​ ఫోన్​ కాన్సె​ప్ట్​ను ప్రవేశపెట్టింది. 6.9 అంగుళాల ఎల్​ఈడీ స్కీన్ ఉన్న ఫోన్​ను అన్నింటిలా సాధారణంగా వాడొచ్చని చూపించింది. ముందు వైపే కాకుండా వెనుకకు కూడా మడవవచ్చని తెలిపింది. టేబుల్​పై స్టాండ్​లా మడిచి ఫోన్​ వాడుకోవచ్చని పేర్కొంది. పెద్ద సైజు స్మార్ట్​ వాచ్​ల చేతికి పెట్టుకోవచ్చని కూడా చెప్పింది. అయితే ఈ ఫోన్​కు సంబంధించి మిగతా ఫీచర్లు, బ్యాటరీ కెపాసిటీ కోసం మోటోరోలా వెల్లడించలేదు.

• Your smartphone is about to get smarter. Check out the new ways Motorola is integrating AI to make every day a little easier. Learn more: https://t.co/Vbzijkvnj4 | #LenovoTechWorld📷 pic.twitter.com/xN4K1SV3I5

  — motorola (@Moto) October 25, 2023 " class="align-text-top noRightClick twitterSection" data="

  Your smartphone is about to get smarter. Check out the new ways Motorola is integrating AI to make every day a little easier. Learn more: https://t.co/Vbzijkvnj4 | #LenovoTechWorld📷 pic.twitter.com/xN4K1SV3I5

  — motorola (@Moto) October 25, 2023

  ">

  Your smartphone is about to get smarter. Check out the new ways Motorola is integrating AI to make every day a little easier. Learn more: https://t.co/Vbzijkvnj4 | #LenovoTechWorld📷 pic.twitter.com/xN4K1SV3I5

  — motorola (@Moto) October 25, 2023

మరోవైపు, చేతికి వాచ్​లా పెట్టుకున్నప్పుడు ఫోన్​ జారిపడిపోయే అవకాశం ఉన్నట్లు పలువురు నెటిజన్లు అంటున్నారు. కానీ అత్యాధునిక టెక్నాలజీ వచ్చే ఫుల్​ ఫోల్డబుల్​ ఫోన్​ ప్రత్యేకంగా ఆకర్షిస్తుందని మరికొందరు కామెంట్లు పెడుతున్నారు. అయితే పూర్తిస్థాయిలో మార్కెట్​లో ఈ ఫోన్​ లాంఛ్​ అవుతుందో లేదో చూడాలని ఇంకొందరు అంటున్నారు.

మోటోరోలో ఫోన్లలో AI!
కొత్త స్మార్ట్​ ఫోన్​ కాన్సెప్ట్​తో పాటు మోటోరోలా.. ఆర్టిఫీషియల్​ ఇంటిలిజెన్స్​ ఫీచర్​ను తమ కంపెనీ ఫోన్ల, ల్యాప్​ట్యాప్​లలో ప్రవేశపెట్టనునట్లు చెప్పింది. క్లౌడ్​లో మనకు కావాల్సిన డేటా వెతకడం వంటి పనులు చేసేందుకు వీలుగా ఆ ఫీచర్​ రూపొందించనున్నట్లు పేర్కొంది. మెరుగైన డాక్యుమెంట్ స్కానింగ్​ కోసం​ ఇటీవలే కొత్త ఫీచర్​ను ప్రారంభించినట్లు చెప్పింది.

మోటోరోలా.. ప్రపంచంలో తొలి మొబైల్‌ ఫోన్‌ను అందించిన సంస్థ. 90వ దశకంలో ఫోన్ మార్కెట్​లో నోకియా తర్వాత స్థానం మోటోరోలాదే. ప్రస్తుతం స్మార్ట్‌ఫోన్ మార్కెట్​లో సరికొత్త ఆవిష్కరణలతో అగ్రస్థానంలో ఉన్న శాంసంగ్, షావోమి కంపెనీలతో పోటీ పడుతోంది.