ప్రముఖ సామాజిక మాధ్యమాల్లో ఒకటైన ఇన్స్టాగ్రామ్ లైక్ల కౌంట్ను హైడ్ చేసేందుకు అవకాశం కల్పించనుంది. అయితే అది పూర్తిగా యూజర్కు సంబంధించిన విషయమని తెలిపింది. దీంతో వినియోగదారుడు.. తనకు కావాలంటే లైక్లను ఇతరులకు కనిపించకుండా హైడ్ చేయవచ్చు, లేకుంటే ఓపెన్లో అయినా పెట్టుకోవచ్చు.
ప్రస్తుతానికి ఈ సౌకర్యాన్ని ప్రయోగాత్మకంగా పరిశీలిస్తున్నట్లు తెలుస్తోంది. ఈ ఫీచర్ మరింత ప్రజాదరణ పొందితే.. ఫేస్బుక్ కూడా అమలు చేసే అవకాశం లేకపోలేదని మాషబుల్ ఇండియా ఏఎఫ్పీ రిపోర్ట్లో తెలిపింది.
"ప్రస్తుతానికి లైక్ కౌంట్ను హైడ్ చేసే ఫీచర్ను ఇన్స్టాగ్రామ్లో ప్రయోగాత్మకంగా పరిశీలిస్తున్నాం. ఇదే మంచి ఆదరణ పొందితే.. ఫేస్బుక్లో కూడా పరిచయం చేస్తాం. ఇది వ్యక్తుల మధ్య అసమానతలను తొలగిస్తుందని అనుకుంటున్నాం. లైక్ కౌంట్ కనిపిస్తే ఏది ఎంత పాపులర్ అయ్యిందో తెలుస్తుంది."
-ఫేస్బుక్ అధికార ప్రతినిధి.
లైక్ కౌంట్ను తీసివేయడానికి గల ముఖ్యకారణం వ్యక్తుల మధ్య పోటీని, పోలికను తొలగించడమని మాషబుల్ ఇండియా అధికారులు తెలిపారు.
ఇదీ చూడండి: ఇన్స్టా సీఈఓ చెప్పిన హిడెన్ ఫీచర్లు..
