గూగుల్ మరో రెండు స్మార్ట్ఫోన్లను మార్కెట్లోకి తీసుకొచ్చేందుకు సన్నాహాలు చేస్తోంది. పిక్సెల్ 6, పిక్సెల్ 6 ప్రో (Google Pixel 6 Pro) పేరుతో ఇవి అక్టోబర్లో విడుదల కానున్నట్లు తైవాన్కు చెందిన ఎన్సీసీ డేటాబేస్ తెలిపింది. పిక్సెల్ 6 ప్రో 33వాట్స్ స్పీడ్ ఛార్జింగ్ను సపోర్ట్ చేస్తోందని పేర్కొంది. దీనిలో 5000 ఎంఏహెచ్ బ్యాటరీని కూడా తీసుకొస్తుందని తెలిపింది.
పిక్సెల్ 6 ప్రో ఫీచర్లు..
- 5000 ఎంఏహెచ్ బ్యాటరీ.. 33 వాట్స్ ఫాస్ట్ ఛార్జింగ్
- 6.71 అంగుళాల ఫుల్ హెచ్డీ డిస్ప్లే
- 1,440x3,120 రిజల్యూషన్తో డిస్ప్లే, 120 హెచ్జెడ్ రిఫ్రెష్ రేట్
- డిజిటల్ కార్ కీ ఆప్షన్
- 12 జీబీ ర్యామ్/512 జీబీ స్టోరేజి,
- ట్రిపుల్ రేర్ కెమెరా, 50 ఎంపీ శాంసంగ్ జీఎన్1 ప్రైమరీ సెన్సార్(12ఎంపీ, 48ఎపీ).
- ఆండ్రాయిడ్ 12, ఆక్టా కోర్ సీపీయూ.
- సుమారు 80 వేల వరకు ఉండొచ్చని అంచనా.
- వైఫై 6ఈ సదుపాయం
- బ్లూటూత్
- జీపీఎస్
వన్ప్లస్ 9టీ సిరీస్ విడుదల వాయిదా..
ఎప్పుడెప్పుడా అని ఎదురు చూస్తున్న వన్ప్లస్ 9టీ (Oneplus 9t)సిరీస్ విడుదలకు తాత్కాలికంగా బ్రేక్ పడింది. తొలుత ఈ ఏడాది చివరి కల్లా విడుదల చేయాలని భావించినా.. ఆ ప్రయత్నాలు విఫలమైనట్లు సంస్థ తెలిపింది. వన్ప్లస్ 9టీ, 9టీ ప్రోలను వచ్చే ఏడాదిలో విడుదల చేస్తామని స్పష్టం చేసింది. వీటికి బదులుగా వన్ప్లస్ నోర్డ్, ఆర్ సిరీస్ల మీద దృష్టిసారించనున్నట్లు తెలిపింది.
వన్ప్లస్ ఇటీవలే మరో స్మార్ట్ఫోన్ తయారీ సంస్థ ఒప్పోతో కలిసింది. ఇవి రెండూ కలిసి ఆక్సిజన్ ఓఎస్ను తరువాత వచ్చే ఫోన్లో అందుబాటులోకి తీసుకురానున్నాయి. దీనిలో ఈ రెండు కంపెనీలకు సంబంధించిన ప్రధాన సాఫ్ట్వేర్లు ఉండనున్నాయి. అదే వన్ప్లస్ 9ఆర్టీ(Oneplus 9RT).
వన్ప్లస్ 9ఆర్టీ ఫీచర్లు..
- స్నాప్డ్రాగన్ 870
- 4,500 ఎంఏహెచ్ బ్యాటరీ.. 65 వాట్స్ ఫాస్ట్ ఛార్జింగ్
- 50ఎంపీ కెమెరా
ఇదీ చూడండి: Whatsapp App: మీ వాట్సాప్ ఇకపై ఒకేసారి నాలుగు డివైజ్ల్లో..
