దిగ్గజ టెక్ కంపెనీల సీఈఓలు తమ 'టెక్' అలవాట్లు షేర్ చేయడం చాలా అరుదు. కానీ ఒకవేళ పంచుకుంటే.. ఎన్నో ఉపయోగకర విషయాలు తెలుస్తాయి. తాజాగా.. గూగుల్ సీఈఓ సుందర్ పిచాయ్.. తనకున్న టెక్ అలవాట్లను వెల్లడించారు. పాస్వర్డ్లను ఎప్పటికప్పుడు మార్చుకోవాలా? వంటి ప్రశ్నలకు సమాధానమిచ్చారు. అవేంటో చూసేద్దాం..
మీ పిల్లలు యూట్యూబ్ వీడియోలు చూసేందుకు అనుమతిస్తారా?
కచ్చితంగా. ఈ తరం పిల్లల జీవితాల్లో సాంకేతికత కీలక పాత్ర పోషిస్తుంది. అందువల్ల వారు సాంకేతికతకు అలవాటు పడటం ముఖ్యం.
మీ పిల్లల 'స్క్రీన్ టైమ్'పై మీరు జాగ్రత్తగా ఉంటారా?
ఫోన్లు, సామాజిక మాధ్యమాలను ఎంత సేపు చూడాలనే విషయాన్ని నా పిల్లలకే వదిలేస్తాను. అది వ్యక్తిగత బాధ్యతగా నేను భావిస్తాను.
సాంకేతికతతో పిల్లలపై దుష్ప్రభావం ఉంటుందా?
ఈ అంశం ఎప్పుడూ ఉంటూనే ఉంటుంది. చరిత్ర మొత్తం చూసినా సాంకేతికత ప్రభావంపై చర్చలు జరుగుతూనే ఉంటాయి.
మీ పాస్వర్డ్లను తరచూ మారుస్తారా?
లేదు. పాస్వర్డ్లు మార్చడం చాలా తక్కువ. అయితే పాస్వర్డ్ విషయంలో రెండంచెల వెరిఫికేషన్ను అనుసరించడం మంచిది.
మీరు ఎన్ని ఫోన్లు వాడతారు?
ఒకేసారి 20కుపైగా ఫోన్లు వాడతాను. అందుకు వివిధ కారణాలు ఉంటాయి. ఆ ఫోన్లను కూడా ఎప్పటికప్పుడు మారుస్తూ ఉంటాను.
కృత్రిమ మేధపై మీ అభిప్రాయం?
కృత్రిమ మేధ.. మనిషి అభివృద్ధి చేసిన అద్భుతమైన సాంకేతికత. ఇంటర్నెట్ చూశారుగా. ఇది అంతకు మించి!
ఇదీ చూడండి:- అందుబాటు ధరలో గూగుల్- జియో స్మార్ట్ఫోన్!
