సోనీ నుంచి అదిరిపోయే స్మార్ట్ టీవీ.. ఫీచర్లు ఇవే!

నాణ్యమైన ఎలక్ట్రానిక్ పరికరాలను ఉత్పత్తి చేసే సంస్థగా పేరుగాంచిన సోనీ సరికొత్త స్మార్ట్​ టీవీలను భారత విపణిలో ఆవిష్కరించింది. బ్రావియా ఎక్స్​80జే సిరీస్​ను విడుదల చేసింది. ఇవి 43 అంగుళాల నుంచి 75 అంగుళాల డిస్​ప్లేతో రానున్నాయి.

ఎలక్ట్రానిక్​ దిగ్గజం సోనీ బ్రావియా.. సరికొత్త స్మార్ట్​ టీవీలను భారత్​ మార్కెట్లో ఆవిష్కరించింది. 4కే అల్ట్రాహెచ్​డీ ఎల్​ఈడీ తెరతో ఎక్స్​80జే(X80J) సిరీస్​లో విడుదల చేసింది. ఇవి 43 నుంచి 75 అంగుళాల డిస్​ప్లేతో వస్తున్నాయి. భారత్​లో ఇప్పటివరకు 65 అంగుళాల టీవీనే అందుబాటులోకి తెచ్చిన సోనీ మిగతా వాటిని కూడా అతి త్వరలో మార్కెట్​లోకి తీసుకురానుంది.

బ్రావియా X80J

ఈ మోడల్​లో రావాల్సిన వేరియంట్ల ధరలను సోనీ అధికారికంగా విడుదల చేయలేదు. 65 అంగుళాల మోడల్ సోనీ బ్రావియా కేడీ-65ఎక్స్80జే ధర సుమారు రూ. 1.3 లక్షలు ఉండొచ్చు అని సమాచారం. ఏప్రిల్​ 9నుంచి దేశవ్యాప్తంగా ఉన్న అన్ని సోనీ సెంటర్లలో, ప్రధాన ఎలక్ట్రానిక్ స్టోర్​లలో ఇ-కామర్స్ పోర్టల్​లలో అందుబాటులో ఉందని కంపెనీ తెలిపింది.

బ్రావియా X80J టీవీ వెడల్పు

ఫీచర్లు...

• 75,65,55,50,43 అంగుళాల్లో లభ్యం
• ఎక్స్‌1 4కేహెచ్‌డీఆర్ ప్రాసెసర్‌
• ట్రిలుమినోస్ ప్రో డిస్​ప్లే
• ఇన్​బిల్ట్​గా గూగుల్​ అసిస్టెంట్, గూగుల్​ టీవీ
• వాయిస్​ కమాండ్​లు వినడానికి ఇన్​బిల్ట్​ మైక్రోఫోన్​లు
• యాపిల్​ హోం కిట్​, ఎయిర్​ ప్లే సపోర్ట్​
• బ్యాలెన్స్​డ్​ స్పీకర్​ ఫీచర్​
• ఆండ్రాయిడ్​ ఓఎస్​
• ఎల్​ఈడీ స్క్రీన్​

ఇదీ చూడండి: సినిమా, గేమింగ్​ కోసం ఎల్​జీ కొత్త టీవీ