నూతన ఐటీ నిబంధనలు, కోర్టు ఆదేశాలను పాటించాల్సిందేనని గూగుల్, ఫేస్బుక్కు పార్లమెంటరీ స్టాండింగ్ కమిటీ స్పష్టం చేసినట్లు తెలుస్తోంది. శశి థరూర్ నేతృత్వంలో ఐటీ వ్యవహారాలపై ఏర్పాటైన ఈ కమిటీ.. ఆ సంస్థల ప్రతినిధులను మంగళవారం అనేక అంశాలపై ప్రశ్నించింది. అనంతరం ఈ మేరకు ఆదేశించినట్లు విశ్వనీయవర్గాల సమాచారం.
ఫేస్బుక్ తరఫున పబ్లిక్ పాలసీ డైరెక్టర్ శివనాథ్ తుక్రాల్, జెనరల్ కౌన్సెల్ నమ్రత సింగ్ కమిటీ ఎదుట హాజరయ్యారు. గూగుల్ నుంచి కంట్రీ హెడ్ అమన్ జైన్, లీగల్ వ్యవహారాల డైరెక్టర్ గీతాంజలి దుగ్గల్ వచ్చారు.
కొద్ది రోజుల క్రితమే ట్విట్టర్ అధికారులను ప్రశ్నించిన కమిటీ.. రాబోయే రోజుల్లో యూట్యూబ్‌ సహా ఇతర సామాజిక మాధ్యమాల ప్రతినిధులను కూడా విచారణకు పిలవనుంది.
ఇదీ చూడండి: 'ఐటీ నిబంధనలపై స్టే ఇవ్వలేం'
