ప్రస్తుత డిజిటల్ యుగంలో ఇంటర్నెట్ బ్యాంకింగ్పై అధికంగా ఆధారపడుతున్నాం. ప్రత్యేకించి ఈ-కామర్స్ వెబ్సైట్లలో షాపింగ్ కోసం ఎక్కువగా బ్యాంకు లావాదేవీలు జరుపుతున్నాం. దీనివల్ల చాలామంది తమ డెబిట్, క్రిడిట్ కార్డు, ఏటీఎం పిన్, ఆధార్ కార్డు, పాన్ నెంబర్ లాంటి వివరాలను తమ ఫోన్ లేదా మెయిల్లో సేవ్ చేసుకుంటున్నారు.
అయితే ఇలాంటి అలవాటు వల్ల తీవ్రమైన పరిణామాలు ఎదుర్కోవాల్సి వస్తుందని హెచ్చరిస్తున్నారు సాంకేతిక నిపుణులు. ఆ డేటాను హ్యాకర్లు దుర్వినియోగం (Cybercrime) చేసే ప్రమాదం ఉందని చెబుతున్నారు. ఇటీవలే జరిగిన ఓ సర్వేలోనూ చాలామంది తమ బ్యాంకు కార్డుల వివరాలు, ఇతర కీలక సమాచారాన్ని భద్రపరిచేందుకు సురక్షిత విధానాలను (Digital Security) పాటించడంలేదని తేలింది. ప్రపంచవ్యాప్తంగా 393 జిల్లాల్లో 24వేల మందిపై లోకల్సర్కిల్స్ అనే సంస్థ ఈ సర్వే చేసింది.
సర్వేలోని కీలక అంశాలు..
ఎవరికైనా పిన్ చెప్పారా?
ప్రశ్నకు స్పందించిన 8,158 మందిలో 29 శాతం మంది తమ క్రెడిట్, డెబిట్ కార్డు ఏటీఎం పిన్ను 'ఒకరు లేదా అంతకన్నా ఎక్కవ మంది'తో పంచుకున్నామని తెలిపారు. 4శాతం మంది తమ పనివారితో షేర్ చేసుకున్నామన్నారు. 65శాతం మంది ఎవరితోనూ అలాంటి సమాచారం పంచుకోలేదని వెల్లడించారు.
పిన్ ఎలా గుర్తుపెట్టుకుంటారు?
దీనికి 8,260 మంది స్పందించగా, వారిలో 21 శాతం మంది బ్యాంక్ అకౌంట్ నెంబర్, డెబిట్, క్రెడిట్ కార్డు సీవీవీ నెంబర్, ఏటీఎం పిన్, ఆధార్ లేదా పాన్ కార్డుకు సంబంధించిన సమాచారాన్ని స్వయంగా గుర్తుపెట్టుకుంటున్నట్లు తెలిపారు. 39 శాతం మంది పేపర్పై రాసిపెట్టుకున్నట్లు వెల్లడించారు.
అయితే 33 శాతం మంది మాత్రం ఫోన్, ఈమెయిల్, కంప్యూటర్లలో డిజిటల్ రూపంలో భద్రపరుస్తున్నట్లు చెప్పారు. వ్యక్తిగత గోప్యతకు (privacy) గ్యారంటీ లేని విధంగా.. దాదాపు 11 శాతం మంది ఫోన్ కాంటాక్ట్ లిస్ట్ రూపంలో కీలక సమాచారాన్ని స్టోర్ చేస్తున్నారు.
ఇదీ చూడండి: ఇలా చేస్తే తక్కువ ధరకే పెట్రోల్, డీజిల్!
