ChatGPT Latest Features : చాట్ జీపీటీ ఇప్పుడు మాట్లాడుతుంది, వింటుంది, చూస్తుంది కూడా. అందుకు ఉపయోగపడే ఫీచర్లను వినియోగదారుల కోసం తీసుకువచ్చింది ఓపెన్ ఏఐ సంస్థ. ఆర్టిఫిషియల్ ఇంటెలిజెన్స్ ఆధారంగా పనిచేసే ఈ చాట్జీపీటీలో వాయిస్, ఫొటో క్యాపబిలిటీ ఫీచర్లను ప్రవేశపెట్టింది. దీంతో చాట్ జీపీటీ సాధనంలో సంచలన మార్పులు రానున్నాయి.
వాయిస్ అసిస్టెంట్ ఫీచర్..
వాయిస్ అసిస్టెంట్ ఫీచర్ సాయంతో వినియోగదారులు చాట్జీపీటీతో నేరుగా సంభాషణలు జరపవచ్చు. ఇదే ఈ ఫీచర్ ప్రధాన లక్షణం. చాట్జీపీటీతో మాట్లాడి మీకు కావలసిన సమాచారాన్ని ఏఐ నుంచి కోరవచ్చు. మీరిచ్చిన సందేశాలను అది స్వీకరించి.. అనంతరం అర్థం చేసుకుని తిరిగి మీకు సమాధానాన్ని ఇస్తుంది. (ChatGPT Voice And Image Capabilities Features )
వాయిస్ అసిస్టెంట్ ఫీచర్ను ఎనేబుల్ చేసుకోండిలా!
- మీ మొబైల్ చాట్ జీపీటీ యాప్లోకి వెళ్లండి.
- యాప్లో సెట్టింగ్స్ ఓపెన్ చేయండి.
- అందులో న్యూ ఫీచర్స్ను సెలెక్ట్ చేయండి
- అనంతరం కాన్వర్జేషన్ను ఎంపిక చేసుకోండి.
ఈ ఫీచర్లో మొత్తం ఐదు రకాల వాయిస్లు నిక్షిప్తమై ఉన్నాయి. మనుషుల వాయిస్ మాదిరిగానే నాచురల్గా ఉండేందుకు ప్రొఫెషనల్ వాయిస్ యాక్ట్ర్ను ఇందుకోసం ఉపయోగించుకుంది ఓపెన్ సంస్థ. ఈ వాయిస్ల కోసం హెడ్ఫోన్ సింబల్పై నొక్కి.. రైట్ కార్నర్లో ఉన్న వివిధ రకాల వాయిస్లు ఎంచుకోవచ్చు. వీటితోపాటు ఓపెన్ సోర్స్ స్పీచ్ రికగ్నిషన్ సిస్టమ్, మాటలను అక్షరం రూపంలోకి మార్చడం సహా, విస్పర్ లాంటి అదనపు ఫీచర్లను కూడా ఓపెన్ ఏఐ తీసుకువచ్చింది.
ఇమేజ్ ఇంటరాక్షన్ విత్ చాట్జీపీటీ
ఈ ఫీచర్ను ఉపయోగించి ఫొటోలను చాట్జీపీటీకి షేర్ చేయవచ్చు. వీటి ద్వారా పలు సమస్యలను పరిష్కరించమని యూజర్లు చాట్జీపీటీని అడగొచ్చు. దాంతోపాటు క్లిష్టమైన డేటాను విశ్లేషించమనీ చెప్పొచ్చు. ఉదా: మీ ఫ్రిడ్జ్లో ఉన్న పదార్థాల ఆధారంగా మీ మీల్ ప్లాన్ను ప్రిపేర్ చేయమని అడగొచ్చు. లేదా ఒక సంక్లిష్టమైన గ్రాఫ్ను ఇచ్చి, దానిలోని డేటాను ఇవ్వమని అడగవచ్చు.
ఈ ఫీచర్ ఎనేబుల్ చేసుకోవడం ఎలా?
ఇమేజ్ ఇంటరాక్షన్ విత్ చాట్జీపీటీ ఫీచర్ కోసం.. చాట్జీపీటీ యాప్లో ఫోటో ఆప్షన్పై క్లిక్ చేసి కావలసిన ఫొటోలను ఎంపిక చేసుకోవాలి. తరువాత మీకు కావాల్సిన డేటాను ఇవ్వమని కమాండ్ ఇవ్వాలి. అంతే సింపుల్!
ఆండ్రాయిడ్, ఐఓఎస్ యూజర్లు అందరికీ..
చాట్జీపీటీలో తీసుకువచ్చిన ఈ రెండు ఫీచర్లు వచ్చే రెండు వారాల్లోపు ప్లస్ అండ్ ఎంటర్ప్రైజెస్ యూజర్లకు క్రమంగా అందుబాటులోకి వస్తాయని ఒపెన్ ఏఐ సంస్థ తెలిపింది. ఆండ్రాయిడ్, ఐఓఎస్ డివైజులు రెండింటిలోనూ వాయిస్ ఫీచర్ అందుబాటులో ఉంటుందని వెల్లడించింది.
ChatGpt Earn Money : చాట్జీపీటీతో డబ్బు సంపాదించవచ్చా?.. నిజంగా ఇది సాధ్యమేనా?
'చాట్జీపీటీ వల్ల నా జీవితం తలకిందులైంది.. 90శాతం ఆదాయం కోల్పోయా.. నా కుటుంబ పరిస్థితి..'
