యాపిల్.. ఈ పేరుకున్న క్రేజ్ అంతా ఇంతా కాదు. ఐఫోన్ నుంచి ఐప్యాడ్ వరకు ఎన్నో ప్రాడక్ట్స్తో ప్రపంచవ్యాప్తంగా పేరు తెచ్చుకుంది యాపిల్. తాజాగా.. మరో ప్రాడక్ట్ను మార్కెట్లోకి విడుదల చేసేందుకు సంస్థ సన్నద్ధం అవుతున్నట్టు తెలుస్తోంది. అదే యాపిల్ ఐప్యాడ్ ప్రో 2021. ఇది ఈ నెలలోనే విడుదలవుతుందని పలు నివేదికలు చెబుతుండటం యాపిల్ ప్రేమికులకు మరింత సంతోషాన్నిచ్చే విషయం.
యాపిల్ ఐప్యాడ్ ప్రో 2021...
ఈ యాపిల్ ఐప్యాడ్ ప్రో 2021కు ఓ ప్రత్యేకత ఉందని తెలుస్తోంది. దీనికి మినీ-ఎల్ఈడీ డిస్ప్లే ఉంటుందని సమాచారం. ఈ నెల రెండో భాగంలో దీనికి సంబంధించి ప్రకటన వస్తుందని పలు నివేదికలు చెబుతున్నాయి.
ఇందులో యాపిల్ ఎమ్1 చిప్ ప్రాసెసర్ ఆధారంగా నడిచే యాపిల్ ఏ14ఎక్స్ ఉంటుందని టెక్ వర్గాలు భావిస్తున్నాయి. అప్గ్రేడెడ్ కెమెరా కూడా ఉంటుందని అంటున్నాయి.
మినీ-ఎల్ఈడీ సప్లైలో ఎన్ని ఇబ్బందులు ఉన్నా.. ఈ ఐప్యాడ్ను లాంచ్ చేసేందుకే యాపిల్ మొగ్గు చూపుతున్నట్టు నివేదికలు తెలుపుతున్నాయి.
మరి ఐప్యాడ్కు సంబంధించిన పూర్తి వివరాలు తెలుసుకోవాలంటే.. అధికారిక ప్రకటన కోసం ఎదురుచూడాల్సిందే.
ఇదీ చూడండి:- టాప్ స్మార్ట్ఫోన్లలో మొదటి నాలుగు ఐఫోన్లే
