ఏదైనా స్పెషల్ వేడుక అయినా.. ఆదివారం వచ్చినా.. ఆ రోజు చికెన్తో వెరైటీలు చేయాలని భావిస్తాం. పులుసు పెట్టాలా? వేపుడు చేయాలా? అని ఆలోచిస్తాం. గబగబా బిర్యానీ వండేస్తాం. కానీ చికెన్తో అవే కాదు మరికొన్ని రుచులను కూడా చేసుకోవచ్చు. ఎన్నో వెరైటీలు ట్రై చేయవచ్చు. అటువంటిదే ఈ సుత్లీ చికెన్.
కావాల్సినవి: మాంసం, ఉప్పు, పసుపు, అల్లం వెల్లుల్లి పేస్ట్, పచ్చి మిర్చి పేస్ట్, జీలకర్ర పొడి, గరం మసాలా, ధనియాల పొడి, నిమ్మరసం, పుదీనా, కొత్తిమీర, బాదం ఆకులు, సుత్లీ, విస్తరి ఆకులు.
తయారీ విధానం: ముందుగా చికెన్ ముక్కులు సన్నగా కోసి.. బాగా కడిగి ఓ బేసిన్లో వేసుకోవాలి. తర్వాత ఉప్పు, పసుపు, అల్లం వెల్లుల్లి పేస్ట్, పచ్చి మిర్చి పేస్ట్, జీలకర్ర పొడి, గరం మసాలా, ధనియాలు పొడి, నిమ్మరసం, పుదీనా, కొత్తిమీర.. వేసి బాగా కలపాలి.
మరోవైపు ఆవిరి పాత్ర తీసుకుని కింద పాత్రలో నీళ్లు వేసి.. పైన పాత్రలో విస్తరి ఆకు ఉంచి వేడి వేయాలి. ఆ తర్వాత ఆవిరి పాత్రలో బాదం ఆకులను ఉంచి కాసేపు వేడి చేయాలి. ఆవిరికి ఆకులు మెత్తగా అవుతాయి. అనంతరం వాటిని తీసి.. కలిపిన చికెన్ ముక్కలను అందులో వేసి సుత్లీతో పొట్లాలు కట్టాలి. ఆ పొట్లాలను ఆవిరి పాత్రలో ఉంచి 25 నిమిషాలు ఉడికించాలి. అంతే నోరూరే సుత్లీ చికెన్ రెడీ. ఆ పొట్లం విప్పి.. ఉడికిన చికెన్పై కాస్త వెన్న వేసి తింటే.. ఆ రుచికి మయిమరిచిపోవాల్సిందే!
- " class="align-text-top noRightClick twitterSection" data="">
ఇదీ చూడండి: చల్ల మిరపకాయలతో చికెన్ ఫ్రై.. ట్రై చేసేయ్
