అమెరికా లాస్‌ఏంజిలెస్‌కు చెందిన ఆలానా జోన్స్‌ మాన్‌ అనే బేకర్‌ ఆహార ప్రియులను మరింత ఆకర్షించేలా కొత్తగా ఏమైనా చేయాలని పరితపించేది. అందులోనుంచి పుట్టుకొచ్చిన ఆలోచనే ఈ ‘కార్పెట్ కేకు’. అనుకున్నదే తడవుగా దానిపై శ్రద్ధపెట్టి తయారుచేసేసింది. దాని తయారీ కోసం ప్రఖ్యాతిగాంచిన పర్షియన్‌ కార్పెట్ డిజైన్లను స్ఫూర్తిగా తీసుకుందట.
ఈ లుక్‌ రావడం కోసం క్రీమును చిన్నచిన్న చుక్కలుగా పేరుస్తూ రంగులు మేళవిస్తూ ఎంతో ఓపిగ్గా శ్రమించిందట! అత్యంత సునిశితమైన డిజైన్లు కావడం వల్ల వీటినిలా తయారుచేయడానికి చాలా శ్రమ పడ్డాను అంటోంది ఆలానా. అందుకే ఆ ఫొటోలను ఫేస్‌బుక్‌లో పోస్ట్‌ చేయగానే ఆమె కష్టాన్ని గుర్తిస్తూ బోలెడన్ని లైకులూ షేర్లూ వచ్చేశాయి.
ఇదీ చూడండి: అతడు ముగ్గు వేస్తే ఫొటో తీసినట్టే!
