పూరీలో, గారెలో మరేవైనా పిండి వంటలు చేసినప్పుడు కొద్దిగా నూనె మిగిలిపోతుంది. దీన్ని మళ్లీ మళ్లీ వాడితేనేమో ఆరోగ్యం పాడవుతుందని చెప్పి చాలా మంది పడేస్తూ ఉంటారు. కానీ ఆ నూనెతో ఎన్నో ఉపయోగాలున్నాయి.
- ఈ నూనెను వడకట్టి ఓ సీసాలో పోసి పెట్టుకోండి. గొళ్లెం, బోల్టులు, తాళాల్లో రెండు మూడు చుక్కలు వేయడమో, లేదా ఈ నూనెతో తుడవడమో చేస్తే అవి బిగుతుగా మారవు. సులువుగా వదులవుతాయి. వాటిని వాడేటప్పుడు శబ్దాలు రావు. తుప్పు పట్టవు కూడా.
- కరెంటు పోయినప్పుడు మట్టి ప్రమిదల్లో ఈ నూనె పోసి దీపాలు వెలిగించుకోవచ్చు. క్యాండిల్స్‌ కొనక్కర్లేదు.
- ఈ కాలంలో చిన్న చిన్న పురుగులు వస్తుంటాయి. ఇలాంటప్పుడు కాగితానికి ఈ నూనె రాసి పురుగులు వచ్చే చోట వేలాడదీస్తే దానికి అతుక్కుంటాయి. తెల్లారాక ఆ కాగితాన్ని పారేస్తే సరి.
- ఈ నూనెలో కొద్దిగా వెనిగర్‌ కలిపి కలప ఫర్నిచర్‌ను తుడిస్తే కొత్తవాటిలా మెరుస్తాయి.
- లెదర్‌తో చేసిన బ్యాగులు, ఇతర వస్తువులను ఈ నూనెతో తుడిస్తే మరింత మృదువుగా మారడమే కాకుండా కాంతులీనుతాయి.
- గోడలపై పెయింట్‌ మరకలను పొగొట్టాలంటే ఈ నూనెలో పాత వస్త్రాన్ని ముంచి రుద్దితే సరి.
- ఈ నూనెను గోరువెచ్చగా చేసి తలకు పట్టించి కాసేపయ్యాక షాంపూ, కండిషనర్‌తో శుభ్రం చేసుకుంటే జుట్టు పట్టులా మారుతుంది.
- కొత్తగా తెచ్చిన ఇనుము, ఇత్తడి లాంటి సామగ్రికి ఈ నూనె రాసి తోమితే చక్కగా శుభ్రపడతాయి.
ఇదీ చూడండి:- నోరూరించే హైదరాబాద్‌ సబ్జీ దమ్‌కీ బిర్యానీ
