డెన్మార్క్‌కు చెందిన 18 ఏళ్ల అల్డెన్ రైడ్‌ చిత్రమైన అలర్జీతో బాధపడుతోంది. ఆమె చర్మాన్ని తాకితే చాలు అక్కడ బొబ్బలా పొంగిపోతుంది. ఈ టచ్‌ అలర్జీని వైద్య పరిభాషలో డెర్మాటోగ్రాఫియా అంటారు. ఈ సమస్య వల్ల అల్డెన్ దుస్తులు ధరించినా సరే ఆ రాపిడికి చర్మం దద్దుర్లు వచ్చేస్తుంది. అలాగని ఆ సమస్యతో ఆమెకి నొప్పి, మంట వంటివేమీ ఉండవు. గంట తరవాత చర్మం మళ్లీ మామూలు స్థితికి వచ్చేస్తుంది.
ఐదేళ్ల క్రితం ఈ సమస్య బారిన పడిన అల్డెన్ ఈ మధ్య తన చర్మాన్ని కాన్వాస్లా మార్చేసుకుంది. చర్మాన్ని తాకుతూ రకరకాల బొమ్మలు గీస్తూ వాటిని ఇన్‌స్టాగ్రామ్‌లో పోస్ట్‌ చేస్తోంది. అయితే చికిత్స తీసుకుంటే సమస్య నయమవుతుంది కానీ... చర్మంపై బొమ్మలు గీయడం కుదరదని అల్డెన్ వైద్యానికి దూరంగా ఉంటోందట.
