నిమ్మకాయ(Lemon) ప్రసక్తి వస్తే ‘ఏముందిలే.. పచ్చడికేగా’ అంటారు చాలా మంది. కానీ ఇదెంత మేలు చేస్తుందో తెలిస్తే మాత్రం వదలరు.
- నిమ్మకాయ(Lemon)లో సి-విటమిన్‌ అధికమని ప్రత్యేకంగా చెప్పనవసరం లేదు. ఇది రోగ నిరోధకశక్తిని పెంచుతుంది. ఇందులోని సిట్రిక్‌ యాసిడ్‌ చర్మం ముడతలు పడకుండా, కిడ్నీలో రాళ్లేర్పడకుండా చేస్తుంది.
- రక్తహీనతతో బాధపడే మహిళలు... నిమ్మ(Lemon)ను రోజువారీ ఆహారంలో భాగం చేసుకుంటే మంచిది. ఇందులోని విటమిన్‌ సి శరీరం ఇతర ఆహార పదార్థాల నుంచి తగినంత ఐరన్‌ని గ్రహించేలా చేస్తుంది.
- మొలకెత్తిన గింజల్లో కాస్త నిమ్మరసం((Lemon Juice) జల్లితే పిల్లలు ఇష్టంగా తింటారు. ఇమ్యూనిటీ బూస్టర్‌గా పనిచేస్తుంది.
- నిమ్మ జలుబు కారకమని కొందరు దాని జోలికి పోరు. కానీ అరుచిని పోగొడుతుంది. డీహైడ్రేషన్‌ బారిన పడనీయదు.
- ఇందులోని యాంటీఆక్సిడెంట్లు కణాలను ఆరోగ్యంగా ఉంచుతాయి. క్యాన్సర్‌తో కారకాలతో పోరాడతాయి. కాల్షియం ఎముకలను దృఢంగా ఉంచుతుంది.
- ఉదయాన్నే గోరువెచ్చని నీళ్లలో అరచెక్క నిమ్మరసం కలిపి తాగితే జీర్ణవ్యవస్థ మెరుగవుతుంది. అధికబరువు, రక్తపోటు అదుపులో ఉంటాయి. హృద్రోగాలు వచ్చే అవకాశమూ తక్కువే.
- శరీరంలో విటమిన్‌ సి తగ్గితే కీళ్లవాతం మొదలు డిప్రెషన్‌ వరకూ అనేక అనారోగ్యాలు దాడిచేసే ప్రమాదముంది. కాబట్టి ఏదో రూపంలో నిమ్మకాయ(Lemon)ను ఆహారంలో ఉండేలా చూసుకోవాలి.
