ఆసిఫ్‌నగర్​లో దారుణ హత్య.. మిత్రులే చంపారా?

హైదరాబాద్‌ ఆసిఫ్‌నగర్‌ పరిధి హుడా కాలనీలో ఓ యువకుడు హత్యకు గురయ్యాడు. మద్యం మత్తులో స్నేహితులే హత్య చేశారని కుటుంబ సభ్యులు ఆరోపిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.

ఆసిఫ్​నగర్​ హుడాకాలనీలో శ్రవణ్(25) అనే యువకుడు దారుణ హత్యకు గురయ్యాడు. మద్యం మత్తులో ఉన్న స్నేహితులే హత్య చేసినట్లు కుటుంబ సభ్యులు ఆరోపిస్తున్నారు. ఎదురింట్లో నిన్న పెళ్లి జరగ్గా.. మిత్రులంతా కలిసి మద్యం సేవించారు. రాత్రి 2:30 నిమిషాల సమయంలో వీరి మధ్య గొడవ జరగ్గా.. హాకీ స్టిక్, కత్తులతో దాడి చేసి శ్రవణ్​ను దారుణంగా హతమార్చారని కుటుంబ సభ్యులు తెలిపారు.

సంఘటనా స్థలానికి చేరుకున్న పోలీసులు.. మృతదేహాన్ని పోస్ట్​మార్టం నిమిత్తం ఉస్మానియా ఆసుపత్రికి తరలించారు. కేసు నమోదు చేసి దర్యాప్తు చేస్తున్నారు.

ఇవీ చూడండి: అదను చూసి రైతులపై భారం మోపుతున్న కంపెనీలు