దారుణ ఘటన.. గొంతుకోసి భర్తను చంపిన భార్య...

కుటుంబ కలహాలతో నేపథ్యంలో భర్త గొంతు కోసి భార్య హత్య చేసింది. ఈ ఘటన జగిత్యాల జిల్లా తిమ్మాయిపల్లిలో జరిగింది.

జగిత్యాల జిల్లా కోరుట్ల మండలం తిమ్మాయిపల్లిలో గ్రామంలో కుటుంబ కలహాలతో భార్యే భర్తను హత్య చేసిన ఘటన జరిగింది. గ్రామంలో గత 3 సంవత్సరాల నుంచి అత్తగారింట్లోనే అల్లుడు ఆలకుంట లక్ష్మయ్య (38) ఉంటున్నాడు. అయితే శనివారం రాత్రి ఇంట్లో గొడవపడి అత్తని తలపై కొట్టడం వల్ల కోపగించుకున్న భార్య భర్తను కత్తితో గొంతు కోసి చంపేసింది.

తర్వాత ఇంటి ముందు ఉన్న గ్రామపంచాయతీ ఆవరణలో అతన్ని కట్టేసింది. విషయం తెలుసుకున్న పోలీసులు ఘటనాస్థలికి చేరుకుని కేసు నమోదు చేసుకుని దర్యాప్తు చేస్తున్నారు.

ఇదీ చూడండి: మద్యం మత్తులో డ్రైవర్​.. దుకాణంలోకి దూసుకెళ్లిన కారు