పోలీసులమని బెదిరించి.. బంగారం ఎత్తుకెళ్లిన దుండగులు

ఇద్దరు మహిళల చేతులు కట్టేసి... పోలీసులమని బెదిరించి దుండగులు బంగారు ఆభరణాలను దోచుకెళ్లారు. ఈ ఘటన ఆంధ్రప్రదేశ్​లోని ప్రకాశం జిల్లా మార్కాపురం రెడ్డి మహిళా కళాశాల వద్ద చోటుచేసుకుంది.

ఆంధ్రప్రదేశ్​లోని ప్రకాశం జిల్లా మార్కాపురం రెడ్డి మహిళా కళాశాల వద్ద దొంగలు రెచ్చిపోయారు. పోలీసులమని బెదిరిస్తూ.. కొందరు వ్యక్తులు చోరీకి తెగబడ్డారు. ఓ ఇంట్లో చొరబడి.. అక్కడ ఉన్న ఇద్దరు మహిళల చేతులు కట్టేసి దొంగతనానికి పాల్పడ్డారు. రూ.2.5 లక్షల విలువైన బంగారం ఎత్తుకెళ్లారని మహిళలు పోలీసులకు ఫిర్యాదు చేశారు. నిందితుల కోసం పోలీసులు గాలిస్తున్నారు.

ఇదీ చూడండి: ఆన్​లైన్​ లోన్​ వేధింపులకు మరో ప్రాణం బలి