హైదరాబాద్లో అర్ధరాత్రి రెండు వేర్వేరు రోడ్డు ప్రమాదాలు చోటు చేసుకున్నాయి. బంజారాహిల్స్‌లో బెంజ్ కారు బీభత్సం సృష్టించింది. రోడ్డు నంబర్-3లో... ఓ బెంజ్ కారు బంజారాహిల్స్‌ వైపు నుంచి వేగంగా వచ్చి.. ఆగి ఉన్న మరో కారును ఢీకొట్టింది. ఈ ఘటనలో ఆగి ఉన్న కారులో ఉన్న ఇద్దరు గాయపడ్డారు. బెంజ్ కారులో ముగ్గురు యువకులు, ఓ యువతి ఉన్నారని... వీరంతా మద్యం సేవించినట్లు పోలీసులు గుర్తించారు. కారు నడిపిన యువకుడిని అదుపులోకి తీసుకుని... క్షతగాత్రులను ఆసుపత్రికి తరలించారు. మద్యం మత్తులో వేగంగా కారు నడపడం వల్లనే ప్రమాదం జరిగిందని పోలీసులు వెల్లడించారు.
మరో ఘటన..
మాదాపూర్‌లో మితిమీరిన వేగంతో వచ్చిన ద్విచక్రవాహనదారుడు రోడ్డు విభాగినిని ఢీకొట్టాడు. ఈ ఘటనలో బైక్ నడిపే వ్యక్తికి తీవ్ర గాయాలయ్యాయి. పోలీసులు అతనిని ఆసుపత్రికి తరలించారు.
ఇదీ చూడండి: ఇసుక ట్రాక్టర్ ట్రాలీ మీద పడి యువకుడి దుర్మరణం
