భద్రాద్రి కొత్తగూడెం జిల్లా దమ్మపేటకు చెందిన కుంజా భద్రం.. తన భార్య ఇద్దరు కుమార్తెలతో బుధవారం అశ్వారావుపేట మండలం ముద్దులమడలోని అత్తవారింటికి వెళ్లారు. భద్రం చిన్న కుమార్తె శిరీష (4 ) ముద్దుముద్దుగా పాటలు పాడి.. డాన్స్ చేసి కుటుంబీకులను ఆనందింపజేసింది.
ఉన్నట్టుండి ఒక్కసారిగా రోడ్డు పైకి వెళ్లింది. అప్పటికే గ్రామంలో బ్లీచింగ్ పౌడర్ చల్లుతున్న పంచాయతీ ట్రాక్టర్ చిన్నారిని ఢీ కొట్టింది. దీంతో చిన్నారి తలకు బలమైన గాయం కావడం వల్ల ఆ పసికందు అక్కడికక్కడే మృత్యువాత పడింది. ఈ ఘటనతో ట్రాక్టర్ డ్రైవర్ జెల్లి శ్రీను పారిపోయాడు. డ్రైవర్ అజాగ్రత్త వల్లే తమ కుమార్తె మృతి చెందిందని తల్లిదండ్రులు ఆరోపిస్తున్నారు.
తల్లి చుక్కమ్మ బాలిక మృతదేహంపై పడి విలపిస్తున్న తీరు గ్రామస్థులను కంటతడి పెట్టించింది. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
ఇదీ చదవండి: రోడ్డు పక్కనే ద్విచక్రవాహనం... ఇద్దరు యువకుల దుర్మరణం
