నల్గొండ జిల్లా మిర్యాలగూడ మండలం గూడూరు గ్రామానికి చెందిన మధు, చిట్టెమ్మ దంపతులకు ఇద్దరు కుమారులున్నారు. మధు లారీ డ్రైవర్గా పనిచేస్తుండగా.. చిట్టెమ్మ కాగితాలు ఏరుకుంటూ జీవనం సాగిస్తున్నారు. సోమవారం ఉదయం చిట్టెమ్మతో వచ్చిన పిల్లలిద్దరు రోడ్డు దాటే క్రమంలో.. చిన్న కుమారుడు మణిశర్మను లారీ ఢీకొట్టింది.
ఈ ఘటనలో బాలుడు అక్కడికక్కడే మృతి చెందాడు. ప్రమాదం చేసి పారిపోతున్న లారీ డ్రైవర్ను స్థానికులు అడ్డగించి పట్టుకున్నారు. సమాచారం అందుకున్న పోలీసులు ఘటనాస్థలికి వచ్చి కేసు నమోదు చేసుకున్నారు. పోస్టుమార్టం నిమిత్తం మూడేళ్ల బాలుడు మణిశర్మను మిర్యాలగూడ ఏరియా ఆసుపత్రికి తరలించారు. కళ్లముందే తన కన్నకొడుకు విగతజీవిగా మారడం చూసి ఆ తల్లి రోదనలు మిన్నంటాయి.
