వ్యసనాలకు అలవాటుపడి డబ్బులు చాలక తరచుగా వాహన దొంగతనాలు చేస్తున్న ముగ్గురు సభ్యుల ముఠాను హైదరాబాద్ నార్త్జోన్ టాస్క్ఫోర్స్ పోలీసులు పట్టుకున్నారు. లంగర్హౌస్లో నివసించే కిశోర్, అనిల్, వికాస్.. వ్యసనాలకు డబ్బులు చాలక రాత్రి వేళల్లో కాలనీలో పార్క్ చేసిన వాహనాలను దొంగలించేవారు. వాటిని అమ్మి సొమ్ము చేసుకుని విలాసవంతంగా జీవించేవారు.
శుక్రవారం నార్త్జోన్ టాస్క్ఫోర్స్ పోలీసులకు వీరి గురించి కచ్చితమైన సమాచారం అందగా.. వారిని పట్టుకున్నారు. నిందితుల నుంచి ఆరు ద్విచక్రవాహనాలతో పాటు ఒక ఆటోను స్వాధీనం చేసుకున్నారు. వారి ముగ్గురిని లంగర్హౌస్ పోలీసులకు అప్పగించారు.
ఇదీ చదవండిః గత నాలుగు రోజుల్లో 203 మంది అదృశ్యం.. కారణాలివేనా?
