కారు, ద్విచక్ర వాహనం ఢీ.. ఒకరు మృతి

నిర్లక్ష్యంగా వాహనం నడిపి వాహనదారుడు ప్రాణాలు కోల్పోయిన ఘటన రంగారెడ్డి జిల్లాలో జరిగింది. ఇందుకు సంబంధించిన సీసీటీవీ వీడియోను పోలీసులు విడుదల చేశారు.

రంగారెడ్డి జిల్లా మైలార్​దేవ్​పల్లి పోలీస్ స్టేషన్ పరిధిలోని దుర్గానగర్ చౌరస్తాలో తెల్లవారుజామున రోడ్డు ప్రమాదం జరిగింది. మితిమీరిన వేగంతో ట్రాఫిక్​ సిగ్నల్​ను అతిక్రమించిన ద్విచక్రవాహనదారుడు కారును ఢీ కొట్టాడు. ఈ ఘటనలో బైక్​పైనున్న తులసీరాంకు తీవ్రగాయాలయ్యాయి. ఆసుపత్రిలో చికిత్స పొందుతూ మృతి చెందాడు.

ఈ ప్రమాదంలో మృతి చెందిన తులసీరాం కాటేదాన్​ ప్రాంతంలో టీ కొట్టు నిర్వహిస్తున్నాడని పోలీసులు తెలిపారు. ట్రాఫిక్ నిబంధనలు పాటించకపోవడం వల్లనే ఈ దుర్ఘటన జరిగిందని పేర్కొన్నారు. ఘటనకు సంబంధించిన సీసీటీవీ పుటేజ్​ను విడుదల చేశారు.

ఇదీ చదవండి: ఉన్మాది ఘాతుకం.. మహిళపై పెట్రోలు పోసి నిప్పు