నెమ్మదిగా వెళుతోన్న డీసీఎం వాహనాన్ని ఓ లారీ వెనుక నుంచి ఢీకొట్టిన ఘటన మేడ్చల్ జిల్లా శామీర్పేట్ సమీపంలోని బాహ్యవలయ రహదారి వద్ద జరిగింది. ఈ ప్రమాదంలో ఇద్దరు వ్యక్తులు అక్కడికక్కడే మృతి చెందగా మరో వ్యక్తికి తీవ్ర గాయాలయ్యాయి.
రంగారెడ్డి జిల్లా రాజేంద్ర నగర్కు చెందిన సయ్యద్ గౌస్ డీసీఎంలో గ్లాస్ లోడుతో మంచిర్యాలకు వెళుతున్నాడు. బాహ్యవలయ రహదారిపై ఆపి బిహార్ రాష్ట్రానికి చెందిన పంకజ్, మాదవ్ కుమార్, రవీందర్లను తన వాహనంలో ఎక్కించుకున్నాడు. డీసీఎంను రోడ్డు పక్కకు ఆపడానికి నెమ్మదిగా వెళుతున్న క్రమంలో వెనుక నుంచి వేగంగా వచ్చిన లారీ ఢీకొట్టింది. ఈ ప్రమాదంలో పంకజ్, మాదవ్ కుమార్ అక్కడికక్కడే మృతిచెందగా రవీందర్కు తీవ్ర గాయాలయ్యాయి. కేసు నమోదు చేసిన పోలీసులు దర్యాప్తు చేస్తున్నారు.
ఇదీ చదవండి: రోడ్డు ప్రమాదాల నివారణే లక్ష్యంగా... మరిన్ని కఠిన చర్యలు
