ఆగివున్న లారీని ఢీకొన్న ద్విచక్ర వాహనం.. ఒకరు మృతి

ఆగివున్న లారీని ద్విచక్ర వాహనం ఢీకొని హోమ్​ గార్డు మృతి చెందిన ఘటన హైదరాబాద్​ శివారు ఆగపల్లిలో జరిగింది. కేసు నమోదు చేసుకున్న పోలీసులు విచారణ చేపట్టారు.

రంగారెడ్డి జిల్లా యాచారం మండలం గన్​గల్ గ్రామానికి చెందిన నరేశ్​(34) ఎల్బీనగర్ పోలీస్ స్టేషన్​లో హోమ్ గార్డ్ గా పనిచేస్తున్నారు. మంగళవారం రాత్రి విధులు ముగించుకొని బైక్​పై ఇంటికి వెళ్తున్నారు.

రంగారెడ్డి జిల్లా మంచాల మండలం ఆగపల్లి సమీపంలో ఆగివున్న లారీని ద్విచక్ర వాహనం ఢీకొట్టింది. ఈ ప్రమాదంలో నరేశ్​(34) మృతి చెందాడు. కేసు నమోదు చేసుకున్న పోలీసులు విచారణ చేపట్టారు.

ఇవీచూడండి: ఓ వైపు వర్షం... మరో వైపు అంధకారం... నగరవాసుల ఇక్కట్ల పర్వం