హైదరాబాద్ పోలీస్ కమిషనర్ అంజనీకుమార్ ఆదేశాల మేరకు చిలకలగూడ పోలీస్ స్టేషన్ పరిధిలోని సోహైల్ ఖాన్ అనే వ్యక్తిపై పీడీయాక్ట్ నమోదు చేశామని పోలీసులు తెలిపారు. అనేక హత్య కేసులలో అతనికి ప్రమేయం ఉండడం, పలువురిపై బెదిరింపు చర్యలకు పాల్పడ్డట్లుగా ఆధారాలు లభించడంతో కేసు నమోదు చేసి జైలుకు తరలించామని పేర్కొన్నారు.
ముషీరాబాద్లో నివాసముండే సోహైల్ ఖాన్ అనే వ్యక్తి ఆటో డ్రైవర్గా పని చేస్తున్నాడు. తన సహచరులతో కలిసి హత్యలు చేయడం, ఇతరులపై బెదిరింపు చర్యలకు పాల్పడడం లాంటి నేరాలకు పాల్పడుతుండేవాడు. నగరంలో జరిగిన అనేక హత్య కేసులలో ఇతనికి సంబంధం ఉన్నట్లు పోలీసులు తేల్చారు. సీపీ అంజనీకుమార్ ఆదేశాల మేరకు సోహైల్పై పీడీ యాక్ట్ నమోదు చేశారు. అతన్ని అరెస్టు చేసి జైలుకు తరలించారు.
ఇదీ చదవండి: తెలంగాణ వ్యాప్తంగా 1200 కేంద్రాల్లో కొవిడ్ డ్రైరన్
