మేడ్చల్ మల్కాజిగిరి జిల్లా దుండిగల్ ఓఆర్ఆర్ వద్ద ఘోర రోడ్డు ప్రమాదం జరిగింది. మద్యం సేవించి అతివేగంగా నడుపుతూ దుండిగల్ ఓఆర్ఆర్ వద్ద మరో వాహనాన్ని వెనక నుంచి ఢీకొట్టారు. ఘటనలో కారులో వెనక కూర్చున్న ప్రవీణ్ అనే వ్యక్తి అక్కడికక్కడే మరణించారు. డ్రైవర్తో పాటు మరో ఇద్దరికి తీవ్రగాయాలయ్యాయి.
వెంటనే స్పందించిన బాహ్యవలయ రహదారి సిబ్బంది క్షతగాత్రులను కొంపల్లిలోని ఆసుపత్రికి తరలించారు. డ్రైవర్ జగదీశ్వర్కు డ్రంక్ అండ్ డ్రైవ్ పరీక్షలు చేయగా 95/100ఎంజీగా తేలింది. ఘటనపై కేసు నమోదు చేసుకున్న దుండిగల్ పోలీసులు దర్యాప్తు ప్రారంభించారు.
ఇదీ చూడండి: ఘోర రోడ్డు ప్రమాదం: పెళ్లి వ్యాను బోల్తా.. ఏడుగురు మృతి
