ఓ పరిశ్రమలో పనిచేసే కాంట్రాక్టు కార్మికుడు విధులకు వెళ్లి ఇంటికి వచ్చేసరికి భార్య, కుమారుడు అదృశ్యమైన ఘటన సంగారెడ్డి పటాన్చెరులో చోటుచేసుకుంది. బిహార్లోని యిజ్పూర్ జిల్లా కిష్వన్ గ్రామానికి చెందిన ప్రభాకర్... పటాన్చెరు పారిశ్రామికవాడలోని ఓ పరిశ్రమలో కాంట్రాక్టు కార్మికుడిగా పని చేస్తున్నాడు. తన భార్య రాణి దేవి, కుమారుడు సమీర్తో కలిసి గోకుల్ నగర్లో నివాసం ఉంటున్నాడు.
ఈనెల 26న పరిశ్రమలో విధులకు వెళ్లిన ప్రభాకర్... సాయంత్రం ఇంటికి వచ్చేసరికి భార్య, కుమారుడు కనిపించలేదు. చుట్టుపక్కల, తెలిసిన చోట్లలో ఎంత వెతికినా ఆచూకీ లభించలేదు. ఇక చేసేదేమిలేక పటాన్చెరు ఠాణాలో ప్రభాకర్ ఫిర్యాదు చేశాడు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.
