లోక్​సభ ఎన్నికల వేళ 15 కోట్లకు పైగా సొత్తు జప్తు

పార్లమెంట్​ ఎన్నికల్లో భాగంగా ఇప్పటివరకు 15 కోట్లకు పైగా సొత్తును అధికారులు స్వాధీనం చేసుకున్నారు. సుమారు లక్షా 30 వేల లీటర్ల మద్యాన్ని పట్టుకున్నారు.

లోక్​సభ ఎన్నికల వేళ ఇప్పటి వరకు అన్ని రూపాల్లో 15 కోట్లకు పైగా సొత్తును అధికారులు స్వాధీనం చేసుకున్నారు. సుమారు పది కోట్ల 66 లక్షల నగదు, లక్షా 30 వేల లీటర్లకు పైగా మద్యాన్ని.. ఐటీ, అబ్కారీ అధికారులు పట్టుకున్నారు. ఈ లిక్కర్​ విలువ రెండు కోట్ల 19 లక్షలకు పైగా ఉంది. రెండు కోట్ల 45 లక్షల కన్నా ఎక్కువ విలువైన మాదకద్రవ్యాలను స్వాధీనం చేసుకున్నారు. 543 గ్రాముల బంగారం, 25 క్వింటాళ్ల రేషన్ బియ్యాన్ని అధికారులు పట్టుకున్నారు.

ఇదీ చదవండి:నిర్బంధ తనిఖీలు... 31 వాహనాల స్వాధీనం