హైదరాబాద్ అంబర్పేట పాలిటెక్నిక్ కళాశాల వద్ద రోడ్డు ప్రమాదం చోటుచేసుకుంది. ఆర్టీసీ బస్సు... బైకును ఢీకొట్టింది. ఈ ఘటనలో ఓ వ్యక్తి మృతి చెందాడు. అంబర్పేట ప్రధాన రహదారిపై ఆర్టీసీ సిటీ బస్.. బైక్పై వెళ్తున్న మహమ్మద్ ఫరూక్(35) అనే వ్యక్తిని ఢీకొట్టింది. బస్సు వెనక టైర్ కింద పడటం వల్ల ఆ వ్యక్తి అక్కడిక్కడే మృతి చెందాడు.
ఘటనా స్థలానికి చేరుకున్న పోలీసులు... ఉస్మానియా మార్చురికి తరలించారు. ఆర్టీసీ బస్సు డ్రైవర్ను అదుపులోకి తీసుకున్నారు. కాగా మృతి చెందిన వ్యక్తి కర్నులు జిల్లాకు చెందినట్లుగా గుర్తించారు. అంబర్పేటలో ఉండే మహమ్మద్ ఫరూక్ శ్రీనిధి కళాశాలలో అధ్యాపకుడిగా పని చేస్తున్నాడు. ఉదయం ఇంట్లో నుంచి బయలు దేరి.. కాలేజికి వస్తుండగా కొద్ది నిమిషాల్లోనే మృత్యువాత పడ్డారు.
ఇవీచూడండి: కరోనాతో భాజపా ఎమ్మెల్యే మృతి
