సికింద్రాబాద్లో ఐపీఎల్ క్రికెట్ బెట్టింగ్కు పాల్పడుతున్న నలుగురిని ఉత్తర మండల టాస్క్పోర్స్ పోలీసులు అరెస్ట్ చేశారు. నిందితుల నుంచి 39 వేల రూపాయల నగదు, ఎల్ఈడీ టీవీ, ఆరు చరవాణులను స్వాధీనం చేసుకున్నారు.
నగరంలోని ఓ ఇంట్లో రహస్యంగా బెట్టింగ్ నిర్వహిస్తున్న సదాశివ, శ్రీనివాస్, చంద్రయ్య, సంపత్కుమార్లను పోలీసులు అదుపులోకి తీసుకున్నారు. మ్యాచ్ జరిగే సమయంలో బంతి బంతికి బెట్టింగ్ నిర్వహించేవారని పోలీసులు తెలిపారు. డబ్బులను ఆన్లైన్లోనే బదిలీ చేసుకుంటున్నట్లు గుర్తించారు. నిందితులను చిలకలగూడ పోలీసులకు అప్పగించారు.
