బెల్లంపల్లికి చేరుకున్న శ్రావణ్ కుమార్ మృతదేహం

ఏప్రిల్‌ 22న అమెరికాలో మృతి చెందిన బెల్లంపల్లి వాసి శ్రావణ్ కుమార్‌ మృతదేహం స్వస్థలానికి చేరుకుంది. ఉన్నత విద్యను అభ్యసించేందుకు వెళ్లిన తమ కుమారుడు విగతజీవై రావడాన్ని చూసి తల్లిదండ్రులు శోకసంద్రంలో మునిగిపోయారు.

అమెరికాలోని ఓ బీచ్‌లో ప్రమాదవశాత్తు మృతి చెందిన మంచిర్యాల జిల్లా బెల్లంపల్లికి చెందిన శ్రావణ్ కుమార్‌ మృతదేహం శనివారం ఉదయం స్వస్థలానికి చేరుకుంది. కుమారుని మృతదేహాన్ని చూసి తల్లిదండ్రులు బోరున విలపించారు. గత నెల 22న శ్రావణ్ కుమార్ బీచ్‌లో మృతి చెందగా అక్కడ అన్ని చట్టపరమైన పనులు పూర్తయ్యాక మృతదేహాన్ని భారత్‌కు పంపించారు. శ్రావణ్ కుమార్‌ను కడసరిగా చూడడానికి బంధువులు, స్నేహితులు తరలివచ్చారు. శోకసంద్రంలో మునిగిన శ్రావణ్ కుమార్ తల్లిదండ్రులను ఓదార్చారు. శ్రావణ్ కుమార్ కుటుంబసభ్యులను మాజీ ఎమ్మెల్యే గుండా మల్లేష్, మార్కెట్ కమిటీ చైర్మన్ నర్సింగమ్‌ పరామర్శించారు.

ఇవీ చూడండి: బ్యాలెట్​ పత్రంపై వేలిముద్ర పడితే ఓటు చెల్లనట్టే