హైదరాబాద్ నుంచి హవాలా డబ్బును తరలిస్తున్న ఇద్దరినీ పోలీసులు పట్టుకున్నారు. గౌలిగూడకు చెందిన మనీష్ తోషినివల్, షాలిబండ వాసి విష్ణు బిరాదర్లు ద్విచక్రవాహనంపై నగదు తరలిస్తున్నారనే సమాచారంతో కుతుబీగూడలో టాస్క్ఫోర్స్ అధికారులు గస్తీ కాశారు. వారు వెళ్తున్న వాహనాన్ని అడ్డుకుని సుల్తాన్బజార్ పోలీసులు అరెస్ట్ చేసి రిమాండ్కు తరలించారు.
వాహనంలో రూ. 31,26,000 ఎక్కడివని మనీష్, విష్ణులను ప్రశ్నించారు. వారు పొంతనలేని సమాధానాలు చెప్పగా.. వారిని విచారిస్తే హవాలా సొమ్మని ఒప్పుకున్నారు. రాజస్థాన్కు చెందిన తోషినివల్ ఇక్కడ స్థిరపడి హవాలా సొమ్మును తరలించడం పనిగా పెట్టుకున్నాడని తేలింది. విష్ణును మనీష్ సహాయకునిగా గుర్తించారు.
ఇదీ చూడండి: ఎలక్ట్రిక్ వాహనాల హబ్‌గా మార్చాలనే లక్ష్యంతో నూతన విధానం
