పనిచేసే ప్రదేశంలో ఓ మహిళపై నిర్వాహకులు సామూహిక అత్యాచారానికి పాల్పడ్డారంటూ తోటి కార్మికులు.. ఇటుక బట్టీ ఎదుట ఆందోళన చేపట్టారు. బాధితురాలి సొంత రాష్ట్రమైన ఒడిశా నుంచి.. పెద్దపల్లి పోలీసులకు అందిన ఫిర్యాదుతో ఘటన వెలుగులోకొచ్చింది. ఘటన అనంతరం బాధితురాలు ఒడిశా పోలీసులకు ఫోన్లో ఫిర్యాదు చేసి.. తన భర్తతో కలిసి ఆ ప్రదేశం నుంచి వెళ్లిపోయినట్లు స్థానికులు చెబుతున్నారు.
ఒడిశా పోలీసుల నుంచి సమాచారం అందుకున్న పెద్దపల్లి పోలీసులు.. రెవెన్యూ సిబ్బందితో కలిసి.. ఘటన స్థలాన్ని పరిశీలించారు. కార్మికుల వాంగ్మూలాన్ని నమోదు చేసుకున్నారు. బాధితురాలి ఆచూకీ కోసం గాలింపు చర్యలు చేపడతామని స్పష్టం చేశారు.
నిర్వాహకులు తమపై తరచు వేధింపులకు పాల్పడుతున్నారని.. కార్మికులు అధికారులతో మొర పెట్టుకున్నారు. తమను.. ఒడిశాకు పంపించాలంటూ వేడుకున్నారు. మరికొంత మంది తమకు తాముగా అక్కడినుంచి తరలి వెళ్లిపోయారు.
ఇదీ చదవండి: బొల్లారం హత్య కేసు: భార్య, బావమరిదే చంపేశారు!
